2 CODINTIYO 6:6 - Wanaadi A'deddu

⁶ Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

2 CODINTIYO 6:6 ပူးပေါင်းရင်းမြစ်များ

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 13:4

Ñäädä wä’jummanä ’jano töwä’shinchä töweiye nai; ta’cwaiñe töwö, tö’neiñe’da mmaja, adai’jä ääcamjö’da mmaja, o’jodhe chö’tajäätö’da mmaja.

1 CODINTIYO 2:16

Edääje Wanaadi a’deddu imennaajä nä’döa: “¿Änääcö dhowaanäcä nai Cajiichaana tö’tajäätödö? ¿Änääcö Wanaadi onoowanoomadö’de?” quee nä’döa. Cönwanno cöwwäiñe töweiye na Quidiito tö’tajäätödö.

1 CODINTIYO 2:4

Ya’deddu, neecammajäätödö mmaja, cönä’jaacä a’deu aashichaato que acaana’cato’comooje’da, soto sejjedö que’da mmaja, Epíiditu Santo neneejodö queene, Wanaadi jäduudu que mmaja.

2 CODINTIYO 1:23

Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 11:11

¿Ane’que’nei, quee ’ja? ¿Ajummatäiñe’da weijäcä ’ja? Ng’jn, Wanaadi dhowaanäcä na ajummatäiñe weichö.

2 CODINTIYO 11:4

Anejja adöiñaiñe iicha’jäcä aashicha mma ñeecammajäätödö töneetajä’e määnetääne, anejjeja Jesuuquidiito weichö töneecammajä’e yeichaameiñe, ñaa necammajäätödö nönge’da. Aashicha mmaja töneetajä’e määnetääne dea anejja woowanoomanä, anejja wätunnä mmaja, awa’de metaatäneedö nöngemjönö.

2 CODINTIYO 11:6

A’deu edhaajäje’da weichaame, sejjedö mmaane töweiye na. Mädääje töweichö äwwäiñe töwäänejo töweiye ñaa cönä’jaacä weiñäje.

2 CODINTIYO 12:15

Öwwä tujunne aweichaameiñe jääcä chö’tajäätö’da ätö’taato. Yääje yeichaame ajummatäiñe dea wäänene. Tameedä öwwä naadö acoichajoojai tö’ta äjääcäinchädäiñe, weichö jadä’jödöödä.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 2:10

Ñäädä choone’nadiiyö anencwanno’jodööcomo öwö mmaja wencwannä’ja dea. Yää wencwanno’joneedö äjääcäinchädäiñe wencwanno’jone, Quidiito owaadäädä,

2 CODINTIYO 2:4

Jooje wentumje weichö que yää äwwadäädäiñe wadoojoneedö wimennäne; yeewanö jäcä cone’da wä’jaaquene, töwaamoone. Wentumje ayöödöjooto’comooje’da yää wimennäne, jooje ajummatäiñe weichö odhoowanääcäiñe yeichö wetääne.

2 CODINTIYO 3:3

Änwanno Quidiito nimennädö nönge maato, ñaa mmaane yää imennaajä adääjaajä adäänei’jödööje ñaa na. Yää tömennä na imennotoojo que’da. Epíiditu Santo yää imennäneije na, ñäädä Wanaadi nudooto dö’sennoto we’ajä. Täju jäcä’da yää tömennä na, adheewanööcomo jäcääne.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 7:2

Ñaa jummatääcä. Soto jäcä conemjönö ännö’da ñaa na, soto änsadiijannä’ca’da mmaja, anencu’tä’da mmaja.

CAADATA 3:2

Edääje yeichö mma eta’se wa: ¿Ane’cäämö jäcäinchädä Wanaadi cuntui äwwäiñe Epíiditu Santo, jenaado’jä waanontänä tödöödö jäcäinchädä ’ja, Wanaadi a’deddu etaajä ecamjödö jäcäinchädääne?

CAADATA 3:5

Wanaadi wwä Epíiditu Santo u’a’jäcä äwwäiñe, aashichaato adhantawäiñe tödööa’jäcä mmaja, ¿ane’cäämö jäcäinchädä yää tönnöe weneene? Jenaado’jä waanontänä tödöödö jäcäinchädä’da yää nödööa, ta’deddu aneeta’jocoomo ecamjödö jäcäinchädä mmaane.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 3:4

Yää a’de’ta’jäcä äwwäiñe odhoowanääcäiñe eijai ña yaawä Quidiito jäcä owaanojöönö’jödö yoowanääcä yeichö.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TEESADOONISENSE 2:10

Änwanno odhoowanääcäiñe na, Wanaadi dhowaanäcä mmaja, adhantawäiñe aashicha ñaa wei’jödö, chäänönge ñaa wei’jödö mmaja, änwanno quedeiyentecoomo. Anejja ñaa jäcä cone’da a’deujai’cha cönä’jaacä.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

1 TIIMOTEO 5:2

No’sancomo mmaane aanö nönge tödööcoto; ajei’choto’ja’como ajaadui’chomo nönge tödööcoto, aneiñaja ätö’tajä’ancädä’da.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.