2 CODINTIYO 6:4 - Wanaadi A'deddu

⁴ Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

2 CODINTIYO 6:4 ပူးပေါင်းရင်းမြစ်များ

DUUCA 21:19

Yää shinchädö que aweichöcoomo michaana’caato’de.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 20:34

Odhoowanääcäiñe öwö dea töweetadaawa’cajo wei’jödö umjummadö ejeematoojoje, jaadoncomo nijummadö ejeematoojoje mmaja.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 16:10

Apeede wwadäädä mmaja, ñäädä chäänönge Quidiito ecaanö’nei tacaadato; Aaditóowudu wä’jimmä’tädö wwadäädäiñe mmaja.

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

1 CODINTIYO 4:1

Yääje yeijäcä Quidiito anoonöje mma ñaa weichö chö’tamme’jai maato, Wanaadi nödöödö owaanojöönö’jödö jäcä ecammajä’nnamooje anonta’comooje mmaja.

1 CODINTIYO 9:11

Mädääje mmaja ñaa na; Wanaadi a’deddu ñaa cöneecammajäätöi äwwäiñe, ñaatö’tänei tönnatö’tä töweiye naichö nönge. Yääje yeijäcä ¿chäänönge’da ca nichö’taanä äwwäiñe edä nono de’wono mmädä äwwäiñe utuudu ñaa wwä?

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 11:27

Jooje töweetadaawa’cajo wäänene, töwäntunaanö’e mmaja. Aneedawä öncö’da coijaicho tömja’do’jo wäänene wetaadawa’cajoonäje. Ämi töiñetunca wäänene dea, emjätö’se weiñä mmaja; töwäänema mmaja wäänene dea, cämöi töiñetunca mmaja, töwonque’da weiña mmaja.

2 CODINTIYO 11:9

Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.

2 CODINTIYO 12:10

Yääje yeijäcä mädä Quidiito jäcäinchädä töiñetunca wääneneedö waacö’je mma weneene, yää jäduuje’da weichö, anejja wwä yeuwödö jeiñe mma, wäntunamjödö jeiñe mma, wäätä’maminchajoodö jeiñe mma, wä’yunaacajoodö jeiñe mma. Jäduujemjönö nönge tö’tadaawä yaawääne jäduuje wäänene.

2 CODINTIYO 12:12

Wä’shinchancädä adhantawäiñe yeetadaawa’cajoone; yaawä anontaajäje chäänöngatooje weichö cönääne’ju’joi öwwä täneemö tödöödö que, ene’ju’tojo tödöödö que mmaja, aashichaato tödöödö que mmaja.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 4:8

Jooje ñaa ansu’dänei töweiye yeichaame, cone’da ñaa dö’da weneene; taquiiñuque ñaa weichaame mmaja, ejääduqueejö’da ñaa weneene dea.

2 CODINTIYO 7:11

Änwanno Wanaadi woijato que cone’da mä’döjootäne. Yää aweeconeeca’seiñe ayöödöjootäne yaawä, chäänönge awei’sheiñe ayöödöjootäne dea; conemjönö jäcä adheetömaajotääne, adheecatoncatääne dea. Yaawä yeene’se mä’ja’quene; ñäädä yää conemjönö tödöönei yäätuuja’se mmaja ayöödöjootäne dea yää Wanaadi woijato que cone’da mä’döjootäneedö. Tameedä mädä chäänönge aweichöcoomo neneeja.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

1 TEESADOONISENSE 3:7

Yääje yeijäcä, jimmä, jooje töwäntunamjödö jona’da, töwaatansu’dädö jona’da mmaja, äjääcäinchädäiñe ñaa cöna’cwainchai, chäänönge töneecanö’e aweijäcäiñe.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TIIMOTEO 2:15

Yääje yeichaame töwö wodi nääwanaaca’de chäänönge tönnacoomo tödöödö que, ecamjödööje dea yeiya’jäcä, wä’jummanä ’je mmaja, masuuduije’da yeiya’jäcä mmaja, wataasheje’da’da yeiya’jäcä mmaja.

1 TIIMOTEO 4:6

Mädääje quedeiyentecoomo yäätuuja’comjäcä äwwä Jesuuquidiito anoonö chäänöngatooje eijai ma yaawä, amäädä dea äwä’jädu’tancädä ecamjödö jäcä ecammajäätödö que, aashichaato woowanoomanä que mmaja, yää yoije määneneedö.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

2 TIIMOTEO 1:8

Yääje yeijäcä ajöichöje’da tödööcä’de Cajiichaana Jesuuquidiito ecammajäätödö; öwö mmaja cämjöichäi’chede, Jesuuquidiito jo’tädööje jedeesoje waadö. Wanaadi nutuudu äjäädudu que töshinchääne shinchäcä aashichaato wätunnä jo’tädööje äwäntunamjödö.

2 TIIMOTEO 2:24

Cajiichaana anoonö wätäccujä’na jäcä eijai’cha na; ta’cwaiñe mmaane eijai ña tameedä soto jäcäiñe. Soto owaanomaadö dhowaanäcä eijai ña töwö; äätömaacoije’da mmaja eijai ña dea.

2 TIIMOTEO 4:5

Amäädä mmaane chäänöngeedä eichä; shinchäcä äwäntunamjödö; aashichaato wätunnä ecammajäätödö jäcä oowoinchacä; chäänöngeene tödööcä ataadawaajui.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.