2 CODINTIYO 6:1 - Wanaadi A'deddu

¹ Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

2 CODINTIYO 6:1 ပူးပေါင်းရင်းမြစ်များ

MATEO 23:37

“Änwanno Jeduusadén ñancomo, Wanaadi wa’deuwödö ecammannamo töja’nnamo, äwwadäädäiñe anonta’como täju que töwääjä’nnamo; wameedi tönnacoomo tajä’sai o’nä tönnöe naichöje dea öwwadäädä adheenejö’seiñe wääneneedö’je, yääje awei’sheiñe’daane’ änwanno.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOMAANO 12:1

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

CAADATA 3:4

¿Töwäädämmaane’ jooje mäntunaanö’täne? Töwäädämma’daane yei’she wa.

1 TEESADOONISENSE 3:5

Yääje yeijäcä ä’shinchä’da yaanonö wanontäne adöiñaiñe, yoowanääcä yeichö wetä aneecamjödööcomo jäcä yeichö. Edääje tö’tajä’ne: Odo’sha wwä töwäätäncu’tojo mma eiñoto, töwäädämma ñaa tadaawaajui’jödö ei’ño yaawä; quee tö’tajä’ne äjääcäiñe.

TIITO 2:11

Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 12:25

Yääje yeijäcä töquiiñeme’que mma mänquiiñeme’täi’che ñäädä cöwwäiñe na’deuwaadö. Ñanno töwä’cuseijadööcomo aneemaicha’da cöneiya’todö naane’, edä nono de’wä Wanaadi wwä töwäätuujadööcomo cönquiiñemeecöichodö. Töwaacö’je cönwanno Wanaadi wwä cöwä’cuseijajoodöcoomo emaichajai’cha caato ñäädä caju ñanno cöwwäiñe na’deuwaadö chiiñeme’ca’jäcä.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.