7 Cönwanno ecamjödö que caato, eneedö que’daane.
Mädääje caato eduuwa; jecuude ca’dutuujato aca wääne’manä töweiye naichöje queene’maato. Yaawä mmaane chäänönge jeene queene’maato’de. Eduuwa äächädämma sejjedö na; yaawä mmaane tameedä yoowanääcä na’de, Wanaadi owaanäcä waadö wa’cä mmaja.
Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.
Täneetojöönö ñaa nencano’ta, äänejöönööne. Tameedä täneeto a’dhatooje mma töweiye nai; äänejöönö mmaane yeichöödotooje.
Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.
Ñäädä öwö jaadono töneecamjödö jäcäinchädä töweichö neneea’de. Yaawääne’, iiña mmaja yennaca’jäcä ta’cwaiñe’da wa’de chääjäcä; quee nä’döa Wanaadi a’deddu.
Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.
Oowontätääcä chäwwä, chäänönge ecaanö’ancädä. Mädääje dea töwäntunaanö’e weneeneto ajimmotoncomo tameedä yeichö wa’cä edä nono de’wä.
