2 CODINTIYO 5:13 - Wanaadi A'deddu

¹³ Tö’jeta ñaa weiya’jäcä Wanaadi wwonooje mädääje ñaa na. I’jeta’da ñaa weiya’jäcä mmaane äwwoncomooje mädääje ñaa na.

2 CODINTIYO 5:13 ပူးပေါင်းရင်းမြစ်များ

MAADOCO 3:21

Yää eta’jäcä Jesuuquidiito jimmä wwäiñe tönwanno cöneejoto yöiña adäädö wetä, tö’jeta töwwäiñe Jesuuquidiito tö’tadö weijäcä.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

2 CODINTIYO 11:1

Aashichaane etaatäcä mädä tö’jecaato nönge ya’deuwaadö äwwäiñe.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 12:6

Yaawääne’, wä’wa’demeecö’se weiya’jäcä iiña mmädä’da ä’wa’deme’jai wa, chäänöngeene wa’deuwajä. Yääje yeichaame ä’wa’demeecö’da wa, anejja soto mma wäänedö e’jodhe yöödö’no yaawä, töwwä yeetadö e’jodhe mmaja.

2 CODINTIYO 7:12

Yääje yeijäcä äwwadäädäiñe wimennäne ñäädä conemjönö dönei jäcäinchädä’da, ñäädä chääjäcä conemjönö cönnöichö jäcäinchädä’da mmaja; yää wimennäne odhoowanääcäiñe yeichö wetä Wanaadi owaadäädä ñaa jummatä aweichöcoomo.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.