2 CODINTIYO 4:18 - Wanaadi A'deddu

¹⁸ Täneetojöönö ñaa nencano’ta, äänejöönööne. Tameedä täneeto a’dhatooje mma töweiye nai; äänejöönö mmaane yeichöödotooje.

2 CODINTIYO 4:18 ပူးပေါင်းရင်းမြစ်များ

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

2 CODINTIYO 5:7

Cönwanno ecamjödö que caato, eneedö que’daane.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

EEWEDEO 11:1

¿Aaquene töwä’dö’se yeichö mädä ecamjödö ’je weiñä quee ’ja? Ecamjödö yää töwoomo’quemö töwwä yä’tutoojo towaanäcä weiñä, äänejöönö ene’ju’tojo mmaja.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

EEWEDEO 9:11

Eduuwa mmaane Jesuuquidiito töwe’e na. Töwö na Wanaadi wwä töwa’deuwaamo edhaajotoncomooje, mädä aashicha weiñä naadö tödööneije. Töwö cönoomomöi Wanaadi weichojo neene taca, Aashichaato Jaiñoone taca, soto namäädöcoomojöönö, edä nono de’wonoojönö mmaja.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.