2 CODINTIYO 4:10 - Wanaadi A'deddu

¹⁰ Jesuuquidiito cöneemaichodööje mmaja ñaa emaajai weneeneto dea; mädä weneene Jesuuquidiito weichö eneejotoojoje ñaa wwä.

2 CODINTIYO 4:10 ပူးပေါင်းရင်းမြစ်များ

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

DOMAANO 6:5

Mädääje na. Quidiito jadoonoje cöweijäcäiñe töwö yäämadö jadä mmaja cönwanno cä’ja’täne dea. Yääje yeijäcä yaadonca’jödö nönge mmaja caadoncaato’dede.

DOMAANO 6:8

Quidiito jadä cöwääma’jocoomo weijäcä cowaanäcäiñe na chääjadä nudä cöweicho’como.

DOMAANO 8:36

Edääje Wanaadi a’deddu imennaajä nä’döa: Amäädä adheecamjödö jo’tädööje ñaa ja’tä weneeneto weiñäje. Oweeja tamiiñä’caamo nönge ñaa dötä weneeneto; quee imennaajä nä’döa.

2 CODINTIYO 1:5

Quidiito jäcäinchädä jooje ñaa wäntunaanö’taame Quidiito dea ñaa jäduudu tunu’e weneene, jooje mmaja.

2 CODINTIYO 1:9

Tämaamoje e’ta’como töweiye naichodööje ñaa cöntö’taacä yaawä. Yää ñaa wwä eneejodö cönä’jaacä töjäädudu que mma shinchäjai’cha ñaa weichö, Wanaadi jäduudu que mmaane, ñäädä yäämaajo jonno soto adoncajaicho.

2 CODINTIYO 13:4

Töwö cuduusa jäcä cönaatajoijoi jäduujemjönö nönge; yääje yeichaame Wanaadi jäduudu woije nudä na eduwwa. Ñaa mmaja jäduuje’da ñaa na dea, töwö cönä’ja’döje mmaja; yääje yeichaame Quidiito jadä ñaa weijäcä Wanaadi jäduudu que ñaa weichö na’de, ä’wa’tännamooje ñaa weichö wetä.

2 CODINTIYO 4:11

Yeichöje töwäämatoojojaato töneene ñaa weneene Jesuuquidiito jäcäinchädä; mädääje Jesuuquidiito jäduudu töneenejo ñaa weneene, töwäämaamöje ñaa weichaame.

CAADATA 6:17

Eduuwa naadö jonno anejja yaaquiima’da nei’ñojo, jääcä töweiye yeijäcä yeetunui’chäjäätö’jödö we’jöjä’ajä, Cajiichaana Jesuuquidiito sotoije weichö yeene’ju’tojo.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

2 TIIMOTEO 2:11

Chäänöngato mädä yääje wä’dönä: Chääjadä cöwä’ja’a’comjäcä, chääjadä mmaja cöweichöcoomo queeneaato’de.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.