2 CODINTIYO 3:8 - Wanaadi A'deddu

⁸ Yää imennaajä wäämanä ecammatoojo yeichaame aashichaato eneejancädä cönä’tui; töwaacö’je mma Epíiditu Santo necammadö, aashichaato jaiñoone neneeja, yää e’jodhe’cä jeene.

2 CODINTIYO 3:8 ပူးပေါင်းရင်းမြစ်များ

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

2 CODINTIYO 11:4

Anejja adöiñaiñe iicha’jäcä aashicha mma ñeecammajäätödö töneetajä’e määnetääne, anejjeja Jesuuquidiito weichö töneecammajä’e yeichaameiñe, ñaa necammajäätödö nönge’da. Aashicha mmaja töneetajä’e määnetääne dea anejja woowanoomanä, anejja wätunnä mmaja, awa’de metaatäneedö nöngemjönö.

2 CODINTIYO 3:17

Cajiichaana ñäädä Epíiditu Santo. Yäätä Epíiditu Santo weichö dö’tä aashicha weiñä ’je.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 3:7

Yää jenaado’jä waanontänä Moisé wwä cönä’tuichö täju jäcä cönä’mennäi. Yaawä ñanno iisadaaediitacoomo Moisé jedö ene’majai’cha cönä’ja’to tawaane chääjäcä yeijäcä, töwaatameemö mma yeichaame yää tawaanato.

2 CODINTIYO 3:9

Yää wäämatoojodä aashichaato eneejancädä cönä’ja’ne’; töwääcö’je mma mädä Wanaadi jadä wä’dönä ecammatoojo.

CAADATA 3:14

Yää cönä’jaacä yää aashichaato Aawadán wwä Wanaadi necamma’jödö wä’tudu wetä judhíojöncomo wwä, Jesuuquidiito ai. Tameedä cöwwäiñe ecamjödö jäcäinchädä Epíiditu Santo nä’tua, ñäädä Wanaadi necamma’jödö.

CAADATA 5:5

Cönwanno quedeiyentecoomo mmaane ecamjödö que quiiyomo’cato aashicha cödöödöcoomo Epíiditu Santo wwä.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.