2 CODINTIYO 3:6 - Wanaadi A'deddu

⁶ Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 3:6 ပူးပေါင်းရင်းမြစ်များ

MATEO 13:52

Töwö cönä’döaacä chäwwäiñe: —Tameedä owaanomaanei, Wanaadi töcaajichaanaije weiñä jäcä owaanomaajä, dhanwa töjaatuwai töna’duca töweiye naichöje na. Ñäädä dhanwa tönnacoomo wwäiñe nu’jä’a yaawä mösooma, eduuwaato mmaja, jenaado’jä mmaja; quee cönä’döaacä Jesuuquidiito tönoowanoomadö wwäiñe.

MATEO 26:28

Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.

MAADOCO 14:24

Yaawä töwö cönä’döaacä chäwwäiñe: —Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö.

DUUCA 22:20

Yääje mmaja, töwääwashinchädööcomo’jo, wocö cönannäjöi chea; cönä’döaacä: —Edä wocö yää yaaquiyö, chäänönge Wanaadi necamma’jödö yeichö ene’ju’tojo, äjääcäinchädäiñe töja’emö.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 3:20

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

DOMAANO 4:15

Yää waanontänä wätä’maminchanä mma necamma. Waanontänä ’je’da yeiya’jäcä mmaane ija’do’jo’jödö ’je’da mmaja.

DOMAANO 4:17

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 11:25

Yaawä töwääwashinchä’jejeiñe cancudu daja cönannäjöi; cönä’döaacä: “Edä tängemö Wanaadi necamma’jödö cu’tädö, yää yaaquiyö que chäänönge yeichö wene’ju’jaadö. Edä enöödö waadäi jääcä ätö’tato’comooje tödöötäcä’de;” quee cönä’döaacä Jesuuquidiito.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

1 CODINTIYO 3:10

Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 3:14

Ñanno äntö’tammecö’da cönä’ja’to; eduuwa naadö jona tödööene yää jenaado’jä Wanaadi necamma’jödö imennaajä töwwäiñe a’de’tädaawä ñanno judhío töje’ducaato nönge naato, aneeta’da. Quidiito ecamjödö que mma yää ije’dutuucomo ääsecaajai ña.

2 CODINTIYO 3:3

Änwanno Quidiito nimennädö nönge maato, ñaa mmaane yää imennaajä adääjaajä adäänei’jödööje ñaa na. Yää tömennä na imennotoojo que’da. Epíiditu Santo yää imennäneije na, ñäädä Wanaadi nudooto dö’sennoto we’ajä. Täju jäcä’da yää tömennä na, adheewanööcomo jäcääne.

2 CODINTIYO 3:7

Yää jenaado’jä waanontänä Moisé wwä cönä’tuichö täju jäcä cönä’mennäi. Yaawä ñanno iisadaaediitacoomo Moisé jedö ene’majai’cha cönä’ja’to tawaane chääjäcä yeijäcä, töwaatameemö mma yeichaame yää tawaanato.

2 CODINTIYO 3:9

Yää wäämatoojodä aashichaato eneejancädä cönä’ja’ne’; töwääcö’je mma mädä Wanaadi jadä wä’dönä ecammatoojo.

CAADATA 3:21

¿Yääje yeiya’jäcä ca jenaado’jä waanontänä Wanaadi necamma’jödö acä ääjuntaca nai? Ng’jn, ääjuntaca’da yeichaame. Weichojo ecammaneije waanontänä ä’tu’jo mmaane yaawääne Wanaadi jadoonoje wä’döjoonä eichö waanontänä tödöödö que.

EUJEESIYO 2:1

Wanaadi aweichöcoomo cuntui Quidiito jadä, ocoone’nadiiyöcoomo awä töwääma awei’jocoomo weichaame, yää conemjönö

EUJEESIYO 2:5

cöweichöcoomo cuntui Quidiito jadä, cöcoone’nadiiyöcoomo awä töwääma cöwei’jocoomo weichaame. Aashicha Wanaadi weichö woije töwääwanaaca maato.

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

1 TIIMOTEO 4:6

Mädääje quedeiyentecoomo yäätuuja’comjäcä äwwä Jesuuquidiito anoonö chäänöngatooje eijai ma yaawä, amäädä dea äwä’jädu’tancädä ecamjödö jäcä ecammajäätödö que, aashichaato woowanoomanä que mmaja, yää yoije määneneedö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.

EEWEDEO 12:24

Jesuuquidiito wwadäädä mmaja, ñäädä eduuwaato weiñä ecammaajä chäänönge tödöönei. Dhaquiiyö encu’shiimaajä wwadäädä mmaja me’täne dea, Aweede saaquidiijiisiyoi’chädö aquiiyö e’jodhaato.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 7:22

Yääje yeijäcä awa’de weiñä ecammaajä cönä’ja’dö e’jodhaato’cä tödööneije Jesuuquidiito na.

EEWEDEO 8:13

Anejja weiñä ecammatoojo e’tädö que Wanaadi wwä, yää awa’deeto’jä jenaado’jäje cönnöi. Yää jenaado’jä wataamenääje na eduuwa.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.