2 CODINTIYO 3:1 - Wanaadi A'deddu

¹ ¿Ñaa wewaacömaadöje ca mädä nichö’taanä äwwäiñe mädääje ñaa na’deuwaadö? Anejjacoomo weneenetoodöje’da ñaa na; jajeeda imennaajä chäänönge töweichö ecammatoojo tujunne’da na ñaa wwä. Äwwäiñe täneejoomö yääjato imennaajä tujunne’da na dea; ñaa jäcä yääjato ämmennädööcomo tujunne’da mmaja.

2 CODINTIYO 3:1 ပူးပေါင်းရင်းမြစ်များ

DOSECHO 18:27

Yää ’jeje Apoodo töötä’se cönä’jaacä Acaaya ña. Ñanno quedeiyentecoomo Eujeeso ñancomo aashicha cönenno’jaicho yaawä. Tönwanno jajeeda cömmennoicho Acaaya ñancomo wwadäädäiñe, Apoodo wwä tadoojoomö, aashicha yeichöcoomo wetä chääjäcä. Yaawä Acaaya ña Apoodo wä’döa’jäcä töwö jooje cöni’wa’toicho ñanno Wanaadi ni’wa’tädö woije ecaanö’nnamo.

DOMAANO 16:1

Määdhä cöjaadui’choncomo Jeewe wecamma äwwäiñe; quedeiyente Senquedea ñancomo i’wa’täneichomo töwö.

1 CODINTIYO 10:33

Mädääje wäänene öwö, tameedä soto a’cwaimato’como tunuujiye, öwö aashicha weichojo ujiiyancädä’da, tönwanno aashicha yeicho’comoone, yääwanaacadööcomo wetä yaawä.

1 CODINTIYO 16:3

Yaawä adöiñaiñe wä’döa’jäcä jajeeda imennaajä dha’me Jeduusadén ña wanontaato’de ñanno aneecammadööcomo dea, iiñancomo quedeiyentecoomo döiñaiñe yää äntuduucomo täjemjönö imö’que.

1 CODINTIYO 3:10

Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

2 CODINTIYO 10:12

Anejjacoomo töjääconcomo wääcammadö wei’yejeiñe ääcamma’da ñaa na. Tönwanno towaanojöncomo nödööaato; tönwannoje dea töwäätäne’mancädäiñe töwäätämmenca weneeneto.

2 CODINTIYO 10:18

Ñäädäjöönööne chäänönge na, töwö deaato wääcammadööjönööne; ñäädääne chäänönge na, Cajiichaana necammadööne.

2 CODINTIYO 10:8

Jooje deja adheedhajootoncomooje weichö jäcä wa’deutaame, mädä jäcä ejöichäjai’cha wa. Yääje ñaa weichojo Wanaadi cuntui äjäädu’toto’comooje, ocoone’mato’comooje’da.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 5:12

Ñaa wewaacömaadöjöönö yeichaame mädä. Töjöiye’da ñaa jäcä awa’deuto’comoojeene yääje ñaa na’deuwa. Yaawä anejjacoomo soto eccujo’to’como ’je’da’da eijai maato. Tönwanno o’jodhe tötö’tajä’e weneeneto ye’wono jäcäinchädä mma, cone’da töweichaameiñe tödo’tacaiñe.