2 CODINTIYO 2:7 - Wanaadi A'deddu

⁷ Yääje yeijäcä anejjejaane eijai maato eduuwa, encwanno’jojai maato iiñö’jödö, töwö ijäädu’täjai maato dea, to’jodheene mma wentumje ei’ño yaawä.

2 CODINTIYO 2:7 ပူးပေါင်းရင်းမြစ်များ

1 CODINTIYO 15:54

Yää töwaatameemö töwaatamemjönö que yenwacaama’jäcä, töwäämaamö töwäämamjönö que yenwacaama’jäcä mmaja, yaawääne na’de Wanaadi a’deddu imennaajä wä’dödö nönge: “Wäämanä to’jodheincha na;

2 CODINTIYO 2:8

Yääje yeijäcä edääje wä’döa äwwäiñe: Tumjumma dea aweichöcoomo eneejotääcä’de eduuwa chäwwä.

2 CODINTIYO 5:4

Edä cäjööcomooje naadö aca cöweichöcoomo cätäncano’taato, catansu’daato dea; yääje yeichaame cäjööcomo e’nomja’se’da cöweichöcoomojöönö mädä, mänööne ejoodö’se caato, caju ñanoone. Yaawä edä cöweichöcoomo töwaatameemöje naadö noto’jodheinchaja’de töwaatamemjönö wwä.

2 CODINTIYO 7:10

Yää Wanaadi woijato que cone’da wä’döjoonä tötö’tajäätödö wesa’duminchadö nejoodöja; yää neja’ca yaawä wääwanaacatoojoje. Mädä nöngato que cone’da wä’döjoonä cone’da tödööemje’da na. Edä nono de’wono woijato que cone’da wä’döjoonä mmaane wäämanä nejoodöja.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

JIDIIPENSE 2:27

Cädäije dämma cönä’jaacä, äämajai tödööene; töwäädä Wanaadi wentumje cöneene’maiñe’. Töwö mma’da wentumje cöneene’mai, öwö mmajaane, wentumje weichö jona mma wentumje wei’ñode yaawä.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.