2 CODINTIYO 2:14 - Wanaadi A'deddu

¹⁴ Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 2:14 ပူးပေါင်းရင်းမြစ်များ

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOMAANO 1:8

Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 15:37

Yää tönaatö’täämö äcuude ya’taajä nönge’da na; täncaiche mma töwö, äiña dhedö’cä jeiñe mma, anejja dhadöödö jeiñe mma.

1 CODINTIYO 15:57

Yääje yeichaame Wanaadi nu’a cöwwäiñe e’jodheinchatoojo, Cädhaajotoncomo Jesuuquidiito ai. Yääje yeijäcä aashicha Wanaadi tä’tämje na.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

2 CODINTIYO 9:15

Aashicha wa’deutojooje Wanaadi ña, cöwwäiñe ecammatoojo ’jemjönö inchudu naadö jäcäinchädä.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

CODOOSENSE 2:15

Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.

1 TEESADOONISENSE 1:8

Yääje yeijäcä ojonnoiñe Cajiichaana a’deddu cöneecatai Maasadooniya ña, Acaaya ña mma’da. Tameedä yeichö wa’cä tacaade maato, Wanaadi töneecanö’e aweichöcoomo. Yääje yeijäcä adheecadööcomo täcammajä’emje’da ñaa wwä na.

1 TEESADOONISENSE 3:9

Wanaadi owaadäädä jooje ta’cwaiñe ñaa na äjääcäiñe. Yääje yeijäcä edenna’da ñaa na äjääcäinchädäiñe aashicha töwa’deuwödö Wanaadi wwä.

1 TIIMOTEO 2:8

Yääje yeijäcä tameedä yeichö wa’cä dhanwaacomo Wanaadi wwä ya’deuwö’seiñe wa, tamäädöcoomo choccaajä annä’ancädä, töwäätöma’se töweiyancädäiñe’da, töwäätäuwö’se töweiyancädäiñe’da mmaja.

2 TIIMOTEO 2:2

Yää wannacoomo soto netaadöcoomoje neecammajäätödö metaaquennö que mmaja anejjacoomo chäänönga’como owaanomaacoto, tönwanno mmaja anejjacoomo owaanomaiyetoode yaawä.

APOOCADIISI 7:12

Edääje cönä’döa’to: Amén. Aashicha wa’deutojooje ma, amäädä ñaa Wanaadiyö. O’jodhaato amäädä, töseedujä’nato mmaja. Töwa’demeequemööje ma amäädä, aashicha tödööto’me mmaja, yeichöödäje. Ñäädä mma amäädä jäduujato, tameedä tödööjaicho. Amén; quee cönä’döa’to.