2 CODINTIYO 2:11 - Wanaadi A'deddu

¹¹ Caajuushawa wwä co’jodheinchadööcomo queiñe. Cönwanno cowaanäcäiñe’da’da töwö iiñödö.

2 CODINTIYO 2:11 ပူးပေါင်းရင်းမြစ်များ

MATEO 4:10

Yaawä Jesuuquidiito cönä’döaacä odo’sha wwä: —Äjääne amäädä Caajuushawa. Yääje Wanaadi a’deddu imennaajä nä’döa: “Adheedhajä Wanaadi mmaane ya’deme’jai ma; chäwwä mmaane tödööjai ma;” quee nä’döa Wanaadi a’deddu imennaajä; quee cönä’döaacä Jesuuquidiito.

DUUCA 22:31

Yaawä Cädhaajotoncomo cönä’döa’dea: —Amäädä Simón, Caajuushawa adhe’ca’täne ayuunacaadöcoomo wetä, tönö’nä momjödö töweiye naichöje.

JUAN 13:2

Yaawä odo’sha cönääwaacai Juudha Icaadiyoote tö’tajäätödö aca, ñäädä Simón nnedö, Jesuuquidiito utuudu jäcä chö’tamme’jodö wetä chäwwä. Jesuuquidiito dhowaanäcä cönä’jaacä Wanaadi jonno töweejö’jödö, Wanaadi döiña töötotoojo mmaja; dhowaanäcä cönä’ja’dea Tumö nutuudu töwwä tameedä o’jodhe töweichojo. Yaawä töwääwashinchädaawäiñe Jesuuquidiito cönammöi meesa dö’tonno. Töwoomö de’wono cunu’cai; tö’dhau’cwäcä jaañu que cönä’möi yaawä.

DOSECHO 1:25

Juudha nwacaanoje anontaajäje eiye yaawä. Ñäädä Juudha conemjönö tödö’jödö jo’tädööje anontaajäje töweichö jonno cönäätu’cajoi, töweichojo döiña töötädö wetä; quee Wanaadi wwä cöna’deuwa’to.

1 CODINTIYO 7:5

Oowontä’da eichäcä änwannoje dea. A’nädä yääje aweicho’como jäcä awa’deuwa’comjäcä mmaane yääje eijai maato, a’dhe mma, Wanaadi wwä wa’deunä jäcä mma awei’she aweiya’comjäcä. Yää ’jeje oojodööjai maato dea yaawä, Caajuushawa mma adhencu’toto’no yaawä änshinchä’da aweichöcoomo ai.

2 CODINTIYO 11:14

Cone’da tödööemje’da ’cännä yääje yeichöcoomo, Caajuushawa mmajaane amoode tawaanatooje töwäänejo yeiyajä.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 2:24

Änwanno dhantai Tiiyatiida ñancomo, yää wätunnä aneecanö’jöncomo, Caajuushawa nowaanomaadö sö’jato täcammaamö jäcä oowanoomajöncomo’jödö, edääje daja wä’döa äwwäiñe: Öwö adhaanontätäiñe’da wa anejja tödöödö jäcä.