2 CODINTIYO 2:10 - Wanaadi A'deddu

¹⁰ Ñäädä choone’nadiiyö anencwanno’jodööcomo öwö mmaja wencwannä’ja dea. Yää wencwanno’joneedö äjääcäinchädäiñe wencwanno’jone, Quidiito owaadäädä,

2 CODINTIYO 2:10 ပူးပေါင်းရင်းမြစ်များ

MATEO 18:18

“Chäänönge yääje wä’döa, tameedä edä nono de’wä ännöjoodöcoomojöönö töödööjo’da mmaja caju ña na’dede. Tameedä edä nono de’wä ännöjoodöcoomo mmaane caju ña mmaja nä’döja’dede.

JUAN 20:23

Conemjönö anencwanno’jodööcomo täncwanno’jo na. Conemjönö anencwanno’jo’da maatoodö mmaane täncwanno’jo’da na; quee cönä’döaacä Jesuuquidiito.

1 CODINTIYO 5:4

Cädhaajotoncomo Jesuuquidiito eetö joi adhe’jummatääcä’de; öwö tö’tajäätödö mmaja ajaadäiñe na’de, Cajiichaana Jesuuquidiito jäduudu mmaja.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.