2 CODINTIYO 12:20 - Wanaadi A'deddu

²⁰ Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

2 CODINTIYO 12:20 ပူးပေါင်းရင်းမြစ်များ

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 1:30

Tönwanno anejja jäcä cone’da töwa’deuwe weneeneto dea, Wanaadi ämjumma’da mmaja; töwäätuujacoone’da mmaja weneeneto dea, töweewacööma mmaja, o’jodhe tötö’tajä’e mmaja. Conemjönö töneejannä’e mmaja weneeneto dea, tumöötoncomo a’deddu aneeta’da, senöötoncomo a’deddu mmaja.

DOMAANO 2:8

Conemjönö jäcä cone’da töweijäcä töwö Wanaadi nimaaminchaato’de ñanno töwoijemjöncomo, chäänöngato wätunnä woije eijöncomo, ñanno chäänöngemjönö woija’como.

1 CODINTIYO 1:11

Ñanno Codoowé wä’jimmä’tädö adheecammajä’täne öwwä, jimmä, töwäätäccujä’e aweichöcoomo.

1 CODINTIYO 14:33

Wewoodoichanä edhaajäjöönö ñäädä Wanaadi, acu’shämje weiñä edhaajääne. Tameedä quedeiyentecoomo wecanta’ñänä tönnöe weneenetoodöje dea

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

2 CODINTIYO 1:23

Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 10:2

Edääje wä’döa äwwäiñe: Adöiñaiñe ööta’jäcä äjääcäiñe jäduuje mma cännöjootäi’che. Anejjacoomo jäcä mmaane yääje weichojo na, ñanno edä nono de’wono woije ñaa e’tätä weneenetoodö.

2 CODINTIYO 10:6

Chäänönge ñaa wwä äwäätuujadööcomo tödööa’jäcä äwwäiñe, tumjunne’da ñaa niyäätuuja’de yaawä tameedä chäänöngemjönö.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

2 CODINTIYO 13:2

Aacädeeto ai weiyaquennawä wiyäätuujaneeto ñanno conemjönö tönnöe cönä’ja’todö; eduuwa ajaadäiñe’da weichaame yääje wä’döa dea ñanno wwäiñe, anejjacoomo conemjönö dönnamo wwä mmaja: Eduuwa ööta’jäcä wentumje adheenetäiñe’da wa’de.

2 CODINTIYO 2:1

Yääje yeijäcä wentumje ayöödöjooto’como dha’me adöiñaiñe öötä’se’da wa.

CAADATA 5:15

Yaawääne’, äwwäädäiñe äwäätäuwa’comjäcä, awaataiju’jä’a’comjäcä mmaja, töwaatame mma ataamejai maato yaawä.

CAADATA 5:26

O’jodhe chö’tajäätö’da queicho’ñojo, cöjimmotoncomo aneetömaajotäiñe’da mmaja, e’neimma’da mmaja.

SANTIYAACO 4:11

Jimmä, ajimmotoncomo änquimmajäätö’daane eichäcä. Ñäädä töweichacoono chiimajä’nei, töweichacoono a’de’tänei mmaja, Wanaadi waanontädö nichiimajä’a; Wanaadi waanontädö nemmenca dea. Waanontä’jä emmenca’jäcä äwwä, waanontä’jä tödööneijönö yaawä amäädä, emmencanei mma.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.