2 CODINTIYO 12:16 - Wanaadi A'deddu

¹⁶ Änwanno odhoowanääcäiñe äwwäiñe ätäädai’chojo’da wei’jödö; yääje yeichaame dhantai änwanno adheemu’nä’ancädäiñe öwwä adhencu’to’jocoomo töne’tä määnetääne.

2 CODINTIYO 12:16 ပူးပေါင်းရင်းမြစ်များ

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 11:20

¿Aashicha mmaja jönca tönshinchä määnetääne dea anejja wwä tanoonöje ayöödöa’comjäcä, ännödööcomo acoicha’jäcä mmaja, adhencu’ta’comjäcä mmaja, adhe’jodheiñe töwei’she yeiya’comjäcä mmaja, ojoojeta’mojä’a’comjäcä mmaja?

2 CODINTIYO 12:13

Anejjacoomo quedeiyentecoomo o’näiñe ayöödötäiñe’da wä’jaaquene. Yää mma äwwäiñe ännöjo’da weiyaqueene, äwwäiñe wäädai’chojoodö mma. Yääje yeijäcä encwanno’jotääcä yää chäänöngemjönö nönge wei’jödö.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 6:8

Aneedawä aashicha ñaa dötä soto weneeneto, aneedawä ’quene ñaa tu’de’tätä; aneedawä aashicha ñaa jäcä töwa’deuwe weneeneto, aneedawä ’quene cone’da. Aneedawä äncu’tännamooje ñaa e’tätä weneeneto, aneedawä chäänönga’comooje.

2 CODINTIYO 7:2

Ñaa jummatääcä. Soto jäcä conemjönö ännö’da ñaa na, soto änsadiijannä’ca’da mmaja, anencu’tä’da mmaja.

1 TEESADOONISENSE 2:3

Yää ñaa töneecammajä’e cönä’ja’dö äwwäiñe, ñaa wätäncu’tojo’jödööjönö cönä’jaacä. Conemjönö jäcä tötö’tajä’ancädä’da mmaja ñaa odhoowanoomatääne, adhencu’tädööcomooje’da mmaja.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.

1 PEEDHODO 2:3

aashicha Cajiichaana weichö oneejaatö’da äwwäiñe.