2 CODINTIYO 12:10 - Wanaadi A'deddu

¹⁰ Yääje yeijäcä mädä Quidiito jäcäinchädä töiñetunca wääneneedö waacö’je mma weneene, yää jäduuje’da weichö, anejja wwä yeuwödö jeiñe mma, wäntunamjödö jeiñe mma, wäätä’maminchajoodö jeiñe mma, wä’yunaacajoodö jeiñe mma. Jäduujemjönö nönge tö’tadaawä yaawääne jäduuje wäänene.

2 CODINTIYO 12:10 ပူးပေါင်းရင်းမြစ်များ

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 5:3

Mädä jäcä mma’da ta’cwaiñe caato, cöwäntunamjödaawäiñe mmajaane, cowaanäcäiñe yeijäcä wäntunaanö’nä aashicha tönshinchä weiñä töneejodööjo yeichö.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

2 CODINTIYO 1:4

Töwö Wanaadi ñaa jädu’tätä weneene tameedä ñaa wäntunamjödö jäcä, anejjacoomo wäntunamjödö mmaja ijäädu’tädööcomo wetä yaawä ñaa wwä, yää que dea, Wanaadi wwä ñaa jädu’tä’jödö que dea.

2 CODINTIYO 10:18

Ñäädäjöönööne chäänönge na, töwö deaato wääcammadööjönööne; ñäädääne chäänönge na, Cajiichaana necammadööne.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

2 CODINTIYO 13:4

Töwö cuduusa jäcä cönaatajoijoi jäduujemjönö nönge; yääje yeichaame Wanaadi jäduudu woije nudä na eduwwa. Ñaa mmaja jäduuje’da ñaa na dea, töwö cönä’ja’döje mmaja; yääje yeichaame Quidiito jadä ñaa weijäcä Wanaadi jäduudu que ñaa weichö na’de, ä’wa’tännamooje ñaa weichö wetä.

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

2 CODINTIYO 5:15

Quidiito cönäämai tameedä soto jäcäinchädäiñe ñanno nudä naatoodö töwwoncomooje mma’da nudä yeichöcoomo wetä yaawä, ñäädä töjääcäinchädäiñe cönäämaichö wwonoojeene, töjääcäinchädäiñe cönaadoncaichö mmaja.

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

EUJEESIYO 6:10

Jäduujeiñe eichäcä Cajiichaana ni’wa’tädö que, töwö ijäädudu que mmaja.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

2 TEESADOONISENSE 1:4

Äjääcäiñe ta’cwaiñe töweichö que adheecammajä’täiñe ñaa weneene tameedä quedeiyentecoomo wecanta’ñoto’como waadäi. Töneecammajä’e ñaa weneene aashicha tönshinchä aweichöcoomo jäcä, töneecanö’e aweichöcoomo jäcä mmaja, äwäätä’maminchajoodöcoomo jona’da, äwäntunamjödööcomo jona’da mmaja, yää miyeetuncaatoodö.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.