2 CODINTIYO 12:1 - Wanaadi A'deddu

¹ Dötä’da yeichaame mädääje wä’wa’deme’ca. Eduuwa äwwäiñe wecammajäätö’ñojo Cajiichaana Jesuuquidiito niyääne’cajo’jödö jäcä, öwwä ñeenejo’jödö jäcä mmaja.

2 CODINTIYO 12:1 ပူးပေါင်းရင်းမြစ်များ

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 18:14

Ñäädä dea cönä’jaacä judhío iwäätuujaneichomo, edääje cönä’döa’nei: “Tooni dhanwa mma äämajai ña tameedä soto jäcäinchädäiñe;” queeto wä’dö’jödö dea.

DOSECHO 18:9

Yaawä Paudo wäneetödö ai Cajiichaana cönä’döaacä chäwwä: —Tösaade’da eichä; ecammajäätödööje dea eichä’de, mane’nomjai’che.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 14:6

Jimmä, edääje yeiya’jäcä naadö naane’, anejja a’deucwe wa’deuwancädä adöiñaiñe ööta’jäcä, ¿aaquene mmaja mani’wa’tätäädö deeade’ ? Öwwä Wanaadi neneejo’jödö jäcä täcammajä’emö dha’me ööta’jäcä mmaane ä’wa’täjaiñe wa, chäänöngato wätunnä jäcä ecammajäätödö dha’me weiya’jäcä jeiñe mma, Wanaadi a’deddu täcammajä’emö dha’me jeiñe mma, odhoowanoomato’como dha’me jeiñe mma; mädä nöngato dha’me ööta’jäcä ä’wa’täjaiñe wa.

1 CODINTIYO 6:12

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’daane aashicha dötä na. Tameedä tödööjai cöweichaameiñe ane’cä’cä co’jodheiñe tödööjai’chaane caato.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 12:5

Ñäädä dhanwa nöngato jäcäinchädääne ä’wa’deme’jai wa; öwö weichö mmaane ya’deme’jai’cha wa; jäduuje’da weichö mmaane ya’deme’jai wa.

2 CODINTIYO 12:7

Yää Aashichato ña neene’jödö aashicha cönä’jaacä, jooje; yääje yeijäcä jooje deja yää jäcä o’jodhe tö’tajäätödö queiñe se’nato öwwä cönä’tui, wesooca’jä töweiye naichö nöngato. Yää cönä’jaacä Caajuushawa woijato, yuunacaaneije.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

2 CODINTIYO 8:10

Edääje öwö tö’tajäätödö na mädä jäcä; aashicha aweicho’comooje edääje wä’döa. Awa’de wedu cönä’ja’dawä änwanno tödö’se aweichöcoomo que maajäntätääne mädä tödöödö.

CAADATA 1:12

Soto wwä’da wetaane, owaanomaajäje’da mmaja; Jesuuquidiitoone yoowanoomane.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

EUJEESIYO 3:3

Töwö Wanaadi öwwä cöneenejoi yää owaanojöönö’jödö, chääjäcä joojede’da’cä wimennäichö.

1 TEESADOONISENSE 4:15

Yääje yeijäcä edääje ñaa nä’döa äwwäiñe Jesuuquidiito woije: Cönwanno nudo’como, Jesuuquidiito weejödö jonaanato wo’somjo’jocoomo, tä’da caato’de ñanno yä’ja’a’como owaajo.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.