2 CODINTIYO 11:9 - Wanaadi A'deddu

⁹ Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.

2 CODINTIYO 11:9 ပူးပေါင်းရင်းမြစ်များ

DOSECHO 18:3

Töwö chääjadäiñe cönä’jaacä yaawä, yää dea tötaadawaajuichomo weijäcä. Tujuumä töweetadaawa’cajo cönä’ja’to yaawä doona acaajödö jäcä.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 20:33

Anejja jödaatai ani’ñeimma’da wä’jaaquene, yoomö jeiñe mma.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

1 CODINTIYO 16:17

Öwö ta’cwaiñe wa döiña Eteujana weejö’jödö weijäcä, Jootunaato mmaja, Acaico mmaja. Tönwanno öwwä tönnöe weneeneto änwanno tödööjai’cha määnetäänedö eetä’da aweijäcäiñe.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

2 CODINTIYO 9:12

Mädä aashichaato cöödöaatoodö quedeiyentecoomo wäntunamjödööcomo i’wa’tädö mmajöönö mädä; yää jäcäinchädä aashicha Wanaadi wwä soto wa’deuto’como queejodööjaato dea.

JIDIIPENSE 2:25

Epaujodiito mmaane eduuwa mma wiiñacaanö’ja adöiñaiñe, ñäädä öwwadäädä ö’wa’täneije menno’jatäänedö. Weichacoono töwö, weetadaawa’cajoodö jäcä ö’wa’tänei’jödö, wewäänä’tänä jäcä mmaja.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

EEWEDEO 11:37

Täju que mmaja töweewäjoojä’e töweiye cönä’ja’to, anejjacoomo ’quene annai töwaatacä’jo; töwä’yunaacajo töweiye cönä’ja’to dea, sauda canaadoje töwäämajo mmaja. Tönwanno oweeja iji’jämjödö awä töwäämannä’e cönä’ja’to, chiiwo iji’jämjödö awä mmaja. Wentumje töweiye cönä’ja’to, täntunaanö’e mmaja, tömaamincha mmaja.