2 CODINTIYO 11:25 - Wanaadi A'deddu

²⁵ Aaduwaawäde chäwwäiñe wataiju’jojo’ne dee que; tooniye täju que yeewojoojo’ne. Aaduwaawäde önnadööne; aneedawä na’cwaca wä’jaaquene tooni anooto, tooni coijaicho mmaja, tuna de’wä wötäänäje, tucuudiyaadaiche’da, nono ejoodöjai’cha mmaja.

2 CODINTIYO 11:25 ပူးပေါင်းရင်းမြစ်များ

MATEO 20:19

Judhíojöncomo wwäiñe nu’aato’de yaawä enno’jätöödö wetä chäwwäiñe, aiju’jätöödö wetä mmaja, cuduusa jäcä ajoijodö wetä mmaja. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

MATEO 21:35

Ñanno edai’chännamo dhanoonö cönaajoicho; tooni cönaiju’jätöicho yaawä. Tooni ’chene cömjajoicho; tooni täju que cönwäjäätöicho.

DOSECHO 14:19

Yääje mma yaawä anejjacoomo judhío cöneejoto Antiyooquía ñanno, Icooniyo ñanno mmaja; tönwanno soto cöni’jedoicho yaawä Paudo jäcäiñe. Yaawä ñanno soto Paudo cönwäjäätöicho täju que. Jata tö’cäi cöni’ji’chöicho yaawä, yäämaatäi.

DOSECHO 14:5

Yaawä judhíojöncomo mmaja, cajiichaanacoomo jadä cöna’deuwöicho Paudo maminchadööcomo wetä, täju que töwääjätöödöcoomo wetä mmaja.

DOSECHO 16:33

Yaawä dea mma, yää coijaichawä dea mma, ñäädä jedeeso edai’chäneichomo cöncoccai Paudo aiju’jätö’jocoomo. Yää ’jeje wautisaaje cönä’döjoi yaawä tameedä töwä’jimmä’tädö jadäiñe.

DOSECHO 16:37

Yaawä Paudo cönä’döaacä waadiya wwäiñe: —Ng’jn, eja’cajai’cha ñaa na. Tönwanno ñaa ecamma’jodö’jo’da mmädä ñaa aiju’jä’neto tameedä soto neneedöcoomoje, domaanoje ñaa weichaame; jedeeso taca ñaa döneeto yaawä. Eduuwa tacaade’da ñaa ja’canö’jo’se naato. Tönwannoone neejö’ña’to ñaa u’ca; quee Paudo cönä’döaacä.

DOSECHO 22:24

Yääje yeijäcä suddau edhaajotoncomo waadiya weicho’como taca Paudo cönaadojoi. Töwö cönaiju’jojä’acä yaawä, ääcammaiye, quee töucwadööje, ¿ane’cäämö iiñö’jödö jo’tädööje soto newoodoichanto? quee.

1 TIIMOTEO 1:19

Anejjacoomo mmaane töneecamjödööcomo jonno tösaadijange naato, chäänönge tötö’tajäätödööcomo ne’se’tädö woije ännö’da töweichomjäcä.

EEWEDEO 11:37

Täju que mmaja töweewäjoojä’e töweiye cönä’ja’to, anejjacoomo ’quene annai töwaatacä’jo; töwä’yunaacajo töweiye cönä’ja’to dea, sauda canaadoje töwäämajo mmaja. Tönwanno oweeja iji’jämjödö awä töwäämannä’e cönä’ja’to, chiiwo iji’jämjödö awä mmaja. Wentumje töweiye cönä’ja’to, täntunaanö’e mmaja, tömaamincha mmaja.