2 CODINTIYO 11:20 - Wanaadi A'deddu

²⁰ ¿Aashicha mmaja jönca tönshinchä määnetääne dea anejja wwä tanoonöje ayöödöa’comjäcä, ännödööcomo acoicha’jäcä mmaja, adhencu’ta’comjäcä mmaja, adhe’jodheiñe töwei’she yeiya’comjäcä mmaja, ojoojeta’mojä’a’comjäcä mmaja?

2 CODINTIYO 11:20 ပူးပေါင်းရင်းမြစ်များ

MAADOCO 12:40

Tönwanno iiño wääma’jödö nödöödö töneijä’e weneeneto. Yää encwanno’jodööje nuwe Wanaadi wwä töwa’deuwe yaawä. Tönwanno jooje’cä nätä’maminchajaato’de; quee cönä’döaacä Jesuuquidiito.

DUUCA 6:29

Anejja wwä ajoojeta’ma’jäcä, ijaato daja eneejocääde chäwwä. Asaawanai che anejja wwä adhenwajiiña’jäcä, owoomö’tädö mmaja u’cä’de chäwwä.

1 CODINTIYO 4:11

Eduuwa naadö jona tödööene ämiije ñaa weneene, emjätö’se mmaja, töwonque’da mmaja; töwäätä’maminchajo ñaa weneene dea soto wwäiñe; tömmaiche’da mmaja ñaa na dea.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 10:5

Tameedä soto wätunnäichomo töne’jodheincha ñaa weneene, tameedä Wanaadi owaanäcä tödöödö emu’dänei mmaja. Tameedä tö’tajä’nä mmaja töncana’ca ñaa weneene dea, Quidiito woije yeichö wetä.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 12:16

Änwanno odhoowanääcäiñe äwwäiñe ätäädai’chojo’da wei’jödö; yääje yeichaame dhantai änwanno adheemu’nä’ancädäiñe öwwä adhencu’to’jocoomo töne’tä määnetääne.

CAADATA 2:4

Anejjacoomo quedeiyenteja’como wätä’tädö Tiito siicunsidaadoje tödööjo’se cönä’ja’todö’je. Ñanno ñaa we’jummaajä antaca cönääwaacaicho tacaade’da. Tönwanno eta’se cönä’ja’to Jesuuquidiito jadä aashicha cöweichöcoomo jäcä, cashiichuudädööcomo wetä mmaja yaawä jenaado’jä tödööjodö que.

CAADATA 4:25

Ñäädä Acaada Sinaí ’jödö cu’tädööje na, yää Adaawiya ñano jöö. Yää jöö Jeduusadén ñano jata cu’tädööje na. Tameedä yää jataawoncomo jedeesoja’como nönge naato.

CAADATA 4:3

Mädääje mmaja cä’ja’quene cönwanno; chäänönge cä’dötä’dadä töwaatashiichuudä töweiye cä’ja’quene edä nono de’wono äänejöönö jäduudu que.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:10

Öwö Cajiichaana woije edääje tö’tajä’a äjääcäiñe; anejjeja ätö’tajäätödööcomo aneeseca’da eijai ätö’taato öwwä. Ñäädä adhencödööneichomo mmaane nätä’maminchaja’de Wanaadi wwä, täneejuque yeichö jona’da.

CAADATA 6:12

Ñanno siicunsidaadoje ayöödöjo’sa’como yää nödööjaato soto jadäiñe aashicha töweichöcoomo wetä mma, cuduusa jäcä Quidiito wääma’jödö jäcä ecammajäätödö jäcäinchädä töwäntunamjö’seiñe’da töweichomjäcä.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.