2 CODINTIYO 11:1 - Wanaadi A'deddu

¹ Aashichaane etaatäcä mädä tö’jecaato nönge ya’deuwaadö äwwäiñe.

2 CODINTIYO 11:1 ပူးပေါင်းရင်းမြစ်များ

MATEO 17:17

Jesuuquidiito cöneccujä’acä; cönä’döaacä: —Mädä wa’cä aneecamjö’da maato, chäänönge’da mmaja. ¿Ä’waasa’cäne mma numa ajaadäiñe wei’she maato? Numa dajaane wä’döi ashinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.

DOSECHO 18:14

Yaawä Paudo wa’deutojo cönä’ja’dö’je, töwäädä Caadiyón dhowaajodä cöna’deuwöiñe’; cönä’döaacä judhío wwäiñe: —Änwanno judhíocoomo, conemjönö iiñö’jödö yeiya’jäcä, weiñä nönge’da iiñödö töweiye yeiya’jäcä jeiñe mma, yaawääne adha’dedducoomo wetaadö;

DOSECHO 26:29

Paudo cönä’döaacä yaawä: —Eduuwa mmädä jeiñe mma, äcuude’cä jeiñe mma, chäänönge mmaja. Yaawääne’, öwö waadöje mmaja awei’she wa, jedeesoje’da mmaane. Amäädä mmajöönö yääje awei’she wa, tameedä canno eduuwa ya’deddu netaatoodö mmajaane; quee cönä’döaacä Paudo.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

1 CODINTIYO 4:8

Chäänönge jaiño maato dea eduuwä; tameedaasa äwwäiñe töweiye na. Cajiichaana wa’cä maato eduuwa; ñaa mmaane ema’jödööje ñaa mödööato. Cajiichaanaje mmädääne awei’sheiñe wa, cajiichaanaje weiñä ajaadäiñe ñaa onoonejaiyede yaawä.

2 CODINTIYO 11:19

Towaanojo’ne jaiño maatoode; ¿aashicha mma jönca i’jeta’jödö töneeta määnetääne?

2 CODINTIYO 11:21

Ñaa mmaane jäduujemjönö nönge ñaa cönä’jaacä mädä tödöödö jäcä; jöichöje na eduuwa yääje wei’jödö. Tö’jecaato wa’deuwödö nönge ya’deuwa eduuwa; anejja yä’wa’deme’tojo töweiye yeiya’jäcä töwaacö’je öwö.

2 CODINTIYO 11:4

Anejja adöiñaiñe iicha’jäcä aashicha mma ñeecammajäätödö töneetajä’e määnetääne, anejjeja Jesuuquidiito weichö töneecammajä’e yeichaameiñe, ñaa necammajäätödö nönge’da. Aashicha mmaja töneetajä’e määnetääne dea anejja woowanoomanä, anejja wätunnä mmaja, awa’de metaatäneedö nöngemjönö.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 5:13

Tö’jeta ñaa weiya’jäcä Wanaadi wwonooje mädääje ñaa na. I’jeta’da ñaa weiya’jäcä mmaane äwwoncomooje mädääje ñaa na.

EEWEDEO 5:2

Töwö tumjunne töneene weneene ñanno towaanojo’nemjöncomo, shaadijanga’como mmaja, töwö jäduuje’da weiñä tönooneja töweijäcä mmaja.