2 CODINTIYO 10:8 - Wanaadi A'deddu

⁸ Jooje deja adheedhajootoncomooje weichö jäcä wa’deutaame, mädä jäcä ejöichäjai’cha wa. Yääje ñaa weichojo Wanaadi cuntui äjäädu’toto’comooje, ocoone’mato’comooje’da.

2 CODINTIYO 10:8 ပူးပေါင်းရင်းမြစ်များ

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 10:4

Ñaa waichadö wewäänä’totoojo edä nono de’wonoojönö, Wanaadi jäduudu dö’sennotoone; jäduujato e’jodheinchajai yää.

2 CODINTIYO 10:9

Adheecatoncato’comooje’da äwwadäädäiñe tömmennä wäänene.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 12:6

Yaawääne’, wä’wa’demeecö’se weiya’jäcä iiña mmädä’da ä’wa’deme’jai wa, chäänöngeene wa’deuwajä. Yääje yeichaame ä’wa’demeecö’da wa, anejja soto mma wäänedö e’jodhe yöödö’no yaawä, töwwä yeetadö e’jodhe mmaja.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 13:8

Chäänönge weiñä juntaca ä’jädu’täjai’cha ñaa na; tö’wa’tä mmaane i’wa’täjai ñaa na.

2 CODINTIYO 7:14

Tiito wwä äjääcäiñe aashicha wa’deuwö’jödö jäcä ejöichä’da weiyaqueene. Äwwäiñe chäänönge töwa’deuwe ñaa weneene; mädääje mmaja chäänönge Tiito wwä äjääcäiñe ñaa wa’deuwö’jödö cöneeja’cai chea.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.