2 CODINTIYO 10:7 - Wanaadi A'deddu

⁷ Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

2 CODINTIYO 10:7 ပူးပေါင်းရင်းမြစ်များ

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

JUAN 7:24

Ye’wono eneedö’jo mma canemmencatäi, chäänöngeene; quee cönä’döaacä Jesuuquidiito.

1 CODINTIYO 1:12

Edääje wä’dö’se weichö mädä: Edääje awaadäiñe töwä’döe määnetääne: “Paudo sotoi öwö;” quee; anejja ’quene: “Apoodo sotoi öwö;” quee; dhantai ’chene: “Peedhodo sotoi öwö;” quee; “Quidiito sotoi öwö;” quee daja anejjacoomo.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 15:23

Cöwaadäiñe cucu’nädööcomo awä caadoncaato’de. Quidiito awa’deetoje cönaadoncai; yaawä töwö ye’a’jäcä, shootoi chaja naadoncaato’de.

1 CODINTIYO 3:23

Änwanno mmaane Jesuuquidiito wwonooje maato, Jesuuquidiito ’quene Wanaadi wwonooje na.

1 CODINTIYO 9:1

Anontaajä dajaane öwö, tameedä anonta’como tönnöe weneenetoodö tödööjaicho mmaja, öwwä mmajaane Cädhaajotoncomo Jesuuquidiito eneetö’da. Änwanno mmaja maatoodö naane’ taadawaajui’jödö, yää Cajiichaana wwonooje tönnöe wääneneedö.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 11:18

Jooje anejjacoomo soto edä nono de’wono jäcä towä’wa’deme’que weneeneto; yääje yeijäcä öwö mmaja wä’wa’deme’ca dea eduuwa.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 11:4

Anejja adöiñaiñe iicha’jäcä aashicha mma ñeecammajäätödö töneetajä’e määnetääne, anejjeja Jesuuquidiito weichö töneecammajä’e yeichaameiñe, ñaa necammajäätödö nönge’da. Aashicha mmaja töneetajä’e määnetääne dea anejja woowanoomanä, anejja wätunnä mmaja, awa’de metaatäneedö nöngemjönö.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 13:3

Yaawä Quidiito woije töwa’deuwe weichö odhoowanääcäiñe na’de, eduuwa aneecamjö’da aweichaameiñe. Ñäädä Quidiito jäduuje’da’da weneene adhantawäiñe, jäduujeene.

2 CODINTIYO 5:12

Ñaa wewaacömaadöjöönö yeichaame mädä. Töjöiye’da ñaa jäcä awa’deuto’comoojeene yääje ñaa na’deuwa. Yaawä anejjacoomo soto eccujo’to’como ’je’da’da eijai maato. Tönwanno o’jodhe tötö’tajä’e weneeneto ye’wono jäcäinchädä mma, cone’da töweichaameiñe tödo’tacaiñe.

CAADATA 3:29

Quidiito sotoije aweijäcäiñe Aawadán atö’jödööje mmaja maato dea. Yääje yeijäcä äwwäiñe nä’tua’de aashichaato, Aawadán wwä Wanaadi cöneecammaichö dea.

1 JUAN 4:6

Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.