2 CODINTIYO 10:1 - Wanaadi A'deddu

¹ Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 10:1 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MATEO 21:5

Edääje caichäcä’de Siyon ñancomo wwäiñe: “Eneetäcä’ma acaajichaanaichomo ne’aadö, cawaayu nnedö’cä de’wä, mösooma adäänei nnedö’cä de’wä. Dho’noncomo tö’tajäätödö töwö; quee imennaajä wä’dödö na.

DOSECHO 8:32

Edä Wanaadi a’deddu imennaajä töwö cöna’de’taacä: Töwö cönaatadoojoi emaadö wetä oweeja adäädö töweiye naichöje; äucwätä’da töwö cönä’jaacä, tö’jotö töcaadawä oweeja ecaadaucwa’da töweiye naichöje mmaja.

DOMAANO 10:20

Edääje mmaja Isaía Wanaadi wa’deuwö’jödö cöneecammai chea: Ñanno yuujiiñamoojönö yeedantäneeto; öwö wäänejoone yencano’tännamoojönö wwä; quee Isaía cöneecammai.

DOMAANO 12:1

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

DOMAANO 15:15

Yääje yeichaame tösaade’da mädä jäcä wimennäi äwwadäädäiñe, chö’taqueejö’da aweichöcoomo wetä. Mädääje mänwätuujaato Wanaadi nanontädö woije, yää aashicha töweichö woije taadawaajuije inchudu naadö.

1 CODINTIYO 2:3

Adhantawäiñe wä’jaaquene jäduuje weiyancädä’da, saadöje tätä’nönnäje mmaane.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

1 CODINTIYO 4:21

¿Aaquene adöiñaiñe öötä’se maato, jäduuje ’ja, ta’cwaiñe weichö queene, wä’jummanä ’je mmaja?

2 CODINTIYO 10:10

Edääje dhantai jääcä töwä’döe määnetääne: “Immennädö weneene cone’da döjootä, jäduuje mmaja. Töwö jaiñoone jäduuje’da, dötä’da mmaja ñeecammajäätödö;” quee.

2 CODINTIYO 10:2

Edääje wä’döa äwwäiñe: Adöiñaiñe ööta’jäcä äjääcäiñe jäduuje mma cännöjootäi’che. Anejjacoomo jäcä mmaane yääje weichojo na, ñanno edä nono de’wono woije ñaa e’tätä weneenetoodö.

2 CODINTIYO 10:7

Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

2 CODINTIYO 11:21

Ñaa mmaane jäduujemjönö nönge ñaa cönä’jaacä mädä tödöödö jäcä; jöichöje na eduuwa yääje wei’jödö. Tö’jecaato wa’deuwödö nönge ya’deuwa eduuwa; anejja yä’wa’deme’tojo töweiye yeiya’jäcä töwaacö’je öwö.

2 CODINTIYO 11:30

Wä’wa’demeecö’se weiya’jäcä, jäduuje’da yeenejoonei jäcääne ä’wa’deme’jai wa.

2 CODINTIYO 12:5

Ñäädä dhanwa nöngato jäcäinchädääne ä’wa’deme’jai wa; öwö weichö mmaane ya’deme’jai’cha wa; jäduuje’da weichö mmaane ya’deme’jai wa.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

2 CODINTIYO 5:20

Yääje yeijäcä Quidiito nanontädööje ñaa na. Wanaadi chea äwwäiñe na’deuwa ñaa ntai. Yääje yeijäcä Quidiito woije edääje ñaa nä’döa äwwäiñe: Ääweichacoonoje ä’dötääcä Wanaadi jadä.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

CAADATA 4:13

Änwanno odhoowanääcäiñe na cädäije weichö woije awa’deene äwwäiñe aashichaato wätunnä ecammajäätö’jödö öwwä.

CAADATA 5:2

Aashicha cätaatäcä; öwö Paudo yääje wä’döa: Siicunsidaadoje äwä’döa’comjäcä Quidiito ayöödöjaiñe’da na’de yaawä.

EUJEESIYO 3:1

Yääje yeijäcä öwö Paudo Wanaadi wwä ya’deuwa; öwö jedeesoje wa äjääcäinchädäiñe, änwanno judhíojöncomo, Jesuuquidiito töneecanö’e weichö jo’tädööje.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

JIDIIPENSE 4:5

Ta’cwaiñe aweichöcoomo äänejootäcä tameedä soto wwäiñe. Amoinche’da Cajiichaana na.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

2 TEESADOONISENSE 3:17

Öwö Paudo dea edä wä’cadööje wimenna, tameedä ömmennäjoodö jäcä tömmennä wääneneedöje dea; edä naadö ömmennädö.

JIIDEMÓN 1:19

Öwö, Paudo dea, edä wimenna, öwö wejeema’de, amäädääne aweichö que jeene yeejeque’nä’taame.

JIIDEMÓN 1:9

yaawääne’ wä’jummanä jäcäinchädä täcamma’jo mmaane maneecamma’ja, öwö Paudo, inchomo’cä, Jesuuquidiito jäcäinchädä jedeesojaato.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.