2 CODINTIYO 1:23 - Wanaadi A'deddu

²³ Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 1:23 ပူးပေါင်းရင်းမြစ်များ

DOSECHO 18:1

Yääje mma yaawä Paudo Ateena ñanno cöntämä Codinto ña.

DOSECHO 18:8

Yaawä Quidiipo, ñäädä we’jummatoojo edhaajä, tameedä töwä’jimmä’tätö jadäiñe cöneecamjöi Cajiichaana Jesuuquidiito. Jooje anejjacoomo Codinto ñancomo cöneecamjöicho dea Wanaadi a’deddu ecammajäätödö etaadö’jo. Wautisaaje cönä’döjoicho yaawä.

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 9:1

Chäänönge ya’deuwa, Quidiito sotoi wa’deuwödö töweiye naichöje; ätäncu’tä’da wa. Tö’tajäätödö jaiñoone wecamma äwwäiñe, Epíiditu Santo woije.

1 CODINTIYO 4:21

¿Aaquene adöiñaiñe öötä’se maato, jäduuje ’ja, ta’cwaiñe weichö queene, wä’jummanä ’je mmaja?

1 CODINTIYO 5:5

Yaawä ñäädä dhanwa u’täcä’de Caajuushawa wwä, töwö yäämadö wetä, yo’tadö yääwanaacadö wetä yaawä Cajiichaana Jesuuquidiito we’a’jäcä.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 1:18

Wanaadi dhowaanäcä na äwwäiñe ñaa wa’deuwödö aacääne’da yeichö; “ee” queeto de’wä “ng’jn” ca’da ñaa.

2 CODINTIYO 10:2

Edääje wä’döa äwwäiñe: Adöiñaiñe ööta’jäcä äjääcäiñe jäduuje mma cännöjootäi’che. Anejjacoomo jäcä mmaane yääje weichojo na, ñanno edä nono de’wono woije ñaa e’tätä weneenetoodö.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

2 CODINTIYO 11:11

¿Ane’que’nei, quee ’ja? ¿Ajummatäiñe’da weijäcä ’ja? Ng’jn, Wanaadi dhowaanäcä na ajummatäiñe weichö.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 13:2

Aacädeeto ai weiyaquennawä wiyäätuujaneeto ñanno conemjönö tönnöe cönä’ja’todö; eduuwa ajaadäiñe’da weichaame yääje wä’döa dea ñanno wwäiñe, anejjacoomo conemjönö dönnamo wwä mmaja: Eduuwa ööta’jäcä wentumje adheenetäiñe’da wa’de.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

CAADATA 1:20

Wäätäncu’tädööjönö mädä wimennaadö; Wanaadi dhowaanäcä na yääje yeichö.

JIDIIPENSE 1:8

Wanaadi dhowaanäcä na jooje äjummatäiñe weichö, wä’jummanä Jesuuquidiito nutuudu que.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.

1 TIIMOTEO 1:20

Ñanno naatoodö yääja’como, Iimeneo, Aadejantudu mmaja. Ñanno wu’neto Caajuushawa wwä, yä’cuseijadööcomo wetä, Wanaadi jäcä cone’da a’deuwö’da yeichöcoomo wetä yaawä.