2 CODINTIYO 1:12 - Wanaadi A'deddu

¹² Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 1:12 ပူးပေါင်းရင်းမြစ်များ

DOSECHO 23:1

Paudo cöneene’ma’to ñanno äcamma’jonnamo. Töwö cönä’döaacä chäwwäiñe: —Jimmä, aashicha weichö que töweiye wäänene Wanaadi owaadäädä, eduuwa waadö jona tödööene; quee Paudo cönä’döaacä.

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOMAANO 9:1

Chäänönge ya’deuwa, Quidiito sotoi wa’deuwödö töweiye naichöje; ätäncu’tä’da wa. Tö’tajäätödö jaiñoone wecamma äwwäiñe, Epíiditu Santo woije.

1 CODINTIYO 1:17

Wautisaaje tödööneije’daane Quidiito yaanontäne, aashichaato wätunnä ecammajä’neijeene; ya’deddu shö’jano’tancädä’da, cuduusa jäcä Quidiito wääma’jödö ecammajäätödö jäduucadö queiñe owwä.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 2:13

Mädä jäcä töneecammajä’e ñaa weneene soto sejjedö woowanooma’jä que’da, Epíiditu Santo nowaanomaadö queene. Wanaadi nödöödö töneecammajä’e ñaa weneene Epíiditu Santo ’ja’como wwäiñe.

1 CODINTIYO 4:4

yoowanääcä’da yeijäcä coone’nadiiyö. Yääje yeichaame conemjönö ’je’da ätä’täjai’cha wa. Cajiichaanaane yemmenca.

1 CODINTIYO 5:8

Yääje yeijäcä yää Weja’dätä’jä anootoi’chädö awä tönnöe cönä’ja’todö nönge mmaja cöödötäiye cönwanno aashicha cöweichöcoomo que, chäänönge cöweichöcoomo que mmaja. Yääje weiñä cu’tädööje na yää uu tummannä’cajoojönö. Yää ummannä’cajaajä mmaane conemjönö cu’tädööje na, chäänönge’da weiñä cu’tädööje mmaja. Yääje yeijäcä yääje cöweiyancädäiñe’daane Wanaadi nödöödö cöödöto’ñojo.

2 CODINTIYO 1:17

Mädääje tö’tajäätödö cönä’ja’dö’je; ¿iiña mmädooto ca yää cönä’jaacä, yääje yeiya’jäcä? ¿Quedeiyentejöönö nönge tö’taanä äwwäiñe, aacä ya’deddu, “ee” quee mmaja, “ng’jn” quee mmaja?

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

CAADATA 6:4

Awaadäiñe ätämmencajai maato ännödööcomo jäcä; yaawä chäänönge äwäädanta’comjäcä ta’cwaiñe eijai maato ännödööcomo jäcä, ajimmotoncomo nödöödö jäcä’daane.

EUJEESIYO 6:14

Yäätäädä eichäcä; chäänöngato wätunnä ä’dha’mötööcomooje tödöötäcä; chäänönge weiñä que oowontätääcä, suddau tö’dojöödö womö tönnöe töweiye naichöje.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

1 TEESADOONISENSE 2:10

Änwanno odhoowanääcäiñe na, Wanaadi dhowaanäcä mmaja, adhantawäiñe aashicha ñaa wei’jödö, chäänönge ñaa wei’jödö mmaja, änwanno quedeiyentecoomo. Anejja ñaa jäcä cone’da a’deujai’cha cönä’jaacä.

1 TIIMOTEO 1:5

Amäädä owaanomaajai maato wä’jummanä jäcä; yää wä’jummanä ne’a äwaanö choonecaajä jonno, tö’tajä’nä aashichaato jonno mmaja, ecamjödö weishi’jonä quemjönö jonno mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

1 PEEDHODO 3:16

Conemjönö ’je’da ätö’tajäätödööcomo nei’ñojo, ñanno mijiichojootäiye, Quidiito jadä chäänönge aweichaameiñe jönaawä adheementännamo.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.