1 TIIMOTEO 5:3 - Wanaadi A'deddu

³ I’wa’täcooto iiño wä’jajo’jocoomo, ñanno wentumja’como jaiñoone.

1 TIIMOTEO 5:3 ပူးပေါင်းရင်းမြစ်များ

MATEO 15:6

Mädääje soto wä’döa’jäcä yuumö ani’wa’täjo’da maato yaawä chäwwä, yeenö ani’wa’täjo’da mmaja. Mädääje ema’jödööje Wanaadi waanontädö mödööato, äwäätunnäichomo mma tödöödö wetä.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

DUUCA 2:37

Cönäätöiñocai yaawä. Yää jonnoto’jödöödä töiñoque’da conä’jaacä aacäichea sotooto de’wä aacäichea wedu. Wanaadi weichojo taca töweiye cönä’jaacä, aneiñaja täjäätö’da. Wanaadi wwä tönnöe töweiye cönä’jaacä, ano, coijai’jödöödä, wäänemaanä que, chäwwä wa’deunä que mmaja.

DUUCA 7:12

Jata jäcä amoinche’da töwä’döa’comjäcä, soto wötäädöcoomo Jesuuquidiito cöneeneaacä, yäämaajä dha’me, ewaaca iichädööcomo. Ñäädä yäämaajä cönä’jaacä ñäädä mma yeenö nnedö. Yeenömjödö cönä’jaacä iiño wääma’jödö. Jooje soto cönä’ja’to chääjadä, yää jataawoncomo.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

DOSECHO 6:1

Yaawä quedeiyentecoomo cöneejanga’to jooje. Ñanno quidiiyeeco a’deucwa’como cönenta’me’ca’to yaawä judhío a’deucwa’como jäcä. Tönwanno cönä’döa’to: —Anooto waadäi äwanshi ecaamodaawä chääwa’cä ä’tu’da weneene ñaa jimmä iiño wääma’jödö wwäiñe; quee cönä’döa’to.

DOSECHO 9:39

Yaawä Peedhodo cöntämä chääjadäiñe. Iiña töwä’döa’jäcä ñanno quedeiyente cönaamonno’joicho chääquejöödö döiña. Yäätä cönä’ja’to wodiiñamo, iiño wä’jajo’jödö. Tönwanno cönaamoa’to; cöneenejoojä’a’to tameedä nudä töweichö Doodaca nishoocajäätö’jödö.

DOSECHO 9:41

Peedhodo cönaajäi yaawä dhamäädö jäcä. Yaawä Peedhodo quedeiyentecoomo cöna’dejjaicho, iiño wä’jajo’jödö mmaja; nudä cöneenejoi chäwwäiñe.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 TIIMOTEO 5:2

No’sancomo mmaane aanö nönge tödööcoto; ajei’choto’ja’como ajaadui’chomo nönge tödööcoto, aneiñaja ätö’tajä’ancädä’da.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

1 PEEDHODO 2:17

Tameedä soto aashicha tödöötäcä. Quedeiyentecoomo ijummatääcä. Wanaadi ñontätääcä. Aashicha acu’shänä tödöötäcä.

1 PEEDHODO 3:7

Yääje mmaja änwanno tö’dha’como, aneene’jutu’da’daane eichäcä ajiiñantoncomo tödöödö jäcä. Aashicha ajiiñantoncomo tödöötäcä, odho’näiche töwö ijäädudu weijäcä, a’nädäncädä Wanaadi nutuudu aweichöcoomo äwwäiñe yeijäcä mmaja. Mädääje aweiya’comjäcä Wanaadi wwä awa’deuwödööcomo emu’dänei ’je’da eijai ña.