1 TIIMOTEO 4:4 - Wanaadi A'deddu

⁴ Tameedä Wanaadi namoode’nädö aashicha na; ane’cä’cä töquiiñeme’quemje’da na aashicha Wanaadi wwä töwa’deuwancädä tödööa’jäcä,

1 TIIMOTEO 4:4 ပူးပေါင်းရင်းမြစ်များ

DOSECHO 10:15

Yaawä a’deu cönääta’dea: —Wanaadi nichoonecaadö nossaje e’täjai’cha ma; quee.

DOSECHO 15:29

Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.

DOSECHO 21:25

Ñanno judhíojöncomo quedeiyentecoomo wwadäädäiñe mmaane ñaa cömmennäi yää chäwwäiñe tödööjojai’cha ñaa weichö jäcä; chu’taajä wwä u’ajä mmaane änämjo’da ñaa cöneiyacä chäwwäiñe, munu anaamejo’da mmaja, awö’cajä änämjo’da mmaja. “Amaasuduichatäi’che,” quee mmaja ñaa cömmennäi chea chäwwadäädäiñe; quee cönä’döa’to ñanno ansiyaano Paudo wwä.

DOMAANO 14:14

Quedeiyenteje weijäcä edääje wä’döa, Jesuuquidiito owaadäädä: Yoowanääcä na ane’cä’cä amoije’da yeichö. Yaawääne’ anejja wwä amoije ane’cä’cä chö’ta’jäcä, chäwwä amoije na.

DOMAANO 14:20

Äwanshi jäcäinchädä mma Wanaadi tadaawaajui moncone’matäi’che. Amoije’da äwanshi yeichaame mma’ne, yaawääne’ aweichacoono sadiijannä’cajoodöje äwääwashinchädö yeiya’jäcä, yää cone’da na.

DOMAANO 14:6

Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 10:25

Tameedä tänäämö ejeemajootojo tacaano tänääjai maato chu’taajä wwä saaquidiijiisiyooje u’ajääje yeichö ecamma’jancädä’da, mädä ai mma ätö’tajäätödööcomo maneejodööjoto’no yaawä.

1 CODINTIYO 10:26

Cajiichaana nödöödö edä nono, tameedä ye’wä naadö mmaja.

1 CODINTIYO 10:30

¿Aaquene mmaja cone’da anejja ännödö deaade’ Wanaadi wwä wa’deuwancädääne wääwashinchaajä?” quee chö’tajä’jai’cha maato.

1 TIIMOTEO 4:3

Tönwanno soto ämjö’näjo’da naato, äwanshi tönaamoi’chä mmaja, yää Wanaadi namoode’nädö. Yää Wanaadi cönnöi quedeiyentecoomo ewanshiñööje, chäänöngato dhowaanoco’como ewanshiñööje mmaja; yää na aashicha Wanaadi wwä töwa’deuwancädä täwanshiñööje tödööemö.