1 TIIMOTEO 4:3 - Wanaadi A'deddu

³ Tönwanno soto ämjö’näjo’da naato, äwanshi tönaamoi’chä mmaja, yää Wanaadi namoode’nädö. Yää Wanaadi cönnöi quedeiyentecoomo ewanshiñööje, chäänöngato dhowaanoco’como ewanshiñööje mmaja; yää na aashicha Wanaadi wwä töwa’deuwancädä täwanshiñööje tödööemö.

1 TIIMOTEO 4:3 ပူးပေါင်းရင်းမြစ်များ

MATEO 14:19

Yaawä Jesuuquidiito soto cönaajimaajoicho woi ye’wä. Töwö uu cönannäjöi yaawä, yää ijaatoodea i’yaca’jödö, na’cwacaano’ca mmaja, a’nädäncädä. Caju ña ene’mancädä yää äwanshi jäcä cöna’deuwöi yaawä. Yaawä uu cöni’yajäätöi. Tönoowanoomadö wwäiñe cuntui. Ñanno cöneecamoicho yaawä soto wwäiñe.

MATEO 15:11

Jönaawono womongaja soto choone’majai’cha na. Mänööne, yo’tacaano weja’caajääne töncone’ma; quee cönä’döaacä Jesuuquidiito.

MATEO 15:36

Yää aacä amoojato i’yaca’jödö cönannäjöi yaawä, na’cwacancomo’cä mmaja. Töwa’deuwödö’jo yää cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

DUUCA 24:30

Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

JUAN 6:23

Yääje mma yaawä anejja cudiiyada cönä’döi Tiweediya ñanno. Yäätä cönaajäi, uu jäcä Jesuuquidiito wa’deuwödö’jo soto wääwashincho’jocoomo dö’tä.

DOSECHO 27:35

Yääje töwa’deuwö’jeje Paudo uu cönannäjöi; Wanaadi wwä cöna’deuwöi chääjäcä tameedä ñeetadööcomooje. Yaawä i’yacaadö’jo cönaajäntäi töwääwashinchädö.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 14:6

Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 7:28

Yaawääne’, ajööta’jäcä cone’da’da na, wodi wätöiñonooa’jäcä cone’da’da mmaja. Ajööta’comjäcä, äwäätöiñonooa’comjäcä mmaja, conemjönö meneeaato’de edä nono de’wä; mädä wwä adheewontä’seiñe waadö’je.

1 CODINTIYO 8:8

Äwanshi mmädä cödöötäiñe’da yeichaame Wanaadi owaadäädä. Cone’da’da eijai caato yää änäänä’da cöweiya’comjäcä; tänääa’jäcä aashicha cödöötäiñe’da mmaja.

CODOOSENSE 2:16

Yääje yeijäcä anejja äwwäiñe amoi’chäjoojai’cha na äwanshi, wocö jeiñe mma, we’jummatoojo anooto jeiñe mma, nuunä muntadö jeiñe mma, wäädeetatoojo anooto jeiñe mma.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

1 TIIMOTEO 4:4

Tameedä Wanaadi namoode’nädö aashicha na; ane’cä’cä töquiiñeme’quemje’da na aashicha Wanaadi wwä töwa’deuwancädä tödööa’jäcä,

1 TIIMOTEO 5:14

Yääje yeijäcä ñanno mude’cäjeicha’como iiño wääma’jödö töwäätöiñonoone ätöiñonoojai ñaato, ennecaiyeto, tä’sadööcomo edai’chäiyeto; cutu’dedööcomo cöjääcäiñe cone’da ya’deutojo ’je’da yeichö wetä.

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.