1 TIIMOTEO 3:2 - Wanaadi A'deddu

² Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

1 TIIMOTEO 3:2 ပူးပေါင်းရင်းမြစ်များ

DUUCA 1:6

A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to.

DUUCA 2:36

Wodi mmaja yäätä cönä’ja’dea, Wanaadi wa’deuwödö ecammanei, Aanaje chäätö. Jaanuweeda nnedö cönä’jaacä, Aseede weichö. No’samje töwö cönä’jaacä jooje. Töwö mude’cäje töweichö dea töiñoque cönä’jaacä aacä amoojato wedu.

DOMAANO 12:13

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

JIDIIPENSE 2:15

Mädääje täcammajä’aamoje’da eijai maato, tämentaamoje’da mmaja. Mädääje Wanaadi nnacoomo chäänönga’comooje eijai maato soto conemjöncomo antawaiñe, ñanno chäänöngemjöncomo. Änwanno adhaawa nönge dhantawäiñe miyeijaato edä nono tööjato de’wä,

1 TIIMOTEO 3:12

Ñäädä diyaacono tooni mma töjiiñamo tödööjai ña. Aashicha tönnacoomo anontäjai ñaato, töjaadoncomo mmaja.

1 TIIMOTEO 3:8

Mädääje mmaja diyaacono eijai ñaato dea, tacu’shänäicheene; wanna dha’dedducoomo eijai’cha na. Wä’dau’nä yaacö’comje’da eijai ña; ane’cä’cä cana’cadö jäcä äätätäädä’da eijai ñaato dea.

1 TIIMOTEO 4:3

Tönwanno soto ämjö’näjo’da naato, äwanshi tönaamoi’chä mmaja, yää Wanaadi namoode’nädö. Yää Wanaadi cönnöi quedeiyentecoomo ewanshiñööje, chäänöngato dhowaanoco’como ewanshiñööje mmaja; yää na aashicha Wanaadi wwä töwa’deuwancädä täwanshiñööje tödööemö.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 5:22

Jadheedä mma ansiyaano maneewaacai’che, choone’nadiiyö jäcä i’wa’täneije mma mei’ño; chäänönge eichä amäädä tameedä aweichö jäcä.

1 TIIMOTEO 5:9

Ñäädä iiño wääma’jödö quedeiyentecoomo wwä tö’wa’täämö eijai ña aaduwaawä soto wedu de’woto dea mma. Ñäädä eeto imennäjai maato yää iiño wääma’jödö tö’wa’taamo eetöcoomo a’täi jäcä. Tooni mma ñäädä tö’wa’täämö ño wei’jödö eijai ña.

2 TIIMOTEO 2:24

Cajiichaana anoonö wätäccujä’na jäcä eijai’cha na; ta’cwaiñe mmaane eijai ña tameedä soto jäcäiñe. Soto owaanomaadö dhowaanäcä eijai ña töwö; äätömaacoije’da mmaja eijai ña dea.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

EEWEDEO 13:2

Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

1 PEEDHODO 4:9

Adhaaquiñuuducoomoje yeiyancädä’da soto adhe’sacaiñe ewa’tojootäcä, ewanshinchätääcä’dede.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.