1 TIIMOTEO 1:9 - Wanaadi A'deddu

⁹ Cönwanno cowaanäcäiñe eijai ña aashicha’como wwonooje’da yää waanontänä imennaajä weichö. Yää waanontänä töweiye nai tanontä’jödö ännöjöönö wwonoojeene, töweewodoichaato wwonooje mmaja, conemjönö dönei mmaja, chäänöngemjönö mmaja, Wanaadi onnontäjöönö mmaja, dha’deddu onnontäjöönö mmaja, tumö emaanei, senö emaanei wwonooje mmaja. Soto emaanei wwonooje mmaja na dea yää waanontänä,

1 TIIMOTEO 1:9 ပူးပေါင်းရင်းမြစ်များ

MATEO 10:21

“Yaawä töjimmotoncomo jadä’jödöödä soto nu’aato’de emaadö wetä. Yuumötoncomo tönnacontoncomo nu’aato’dede; mudeeshi mmaja tumöötoncomo nu’aato’de, senöötoncomo mmaja, yäämadö wetä.

DOMAANO 1:30

Tönwanno anejja jäcä cone’da töwa’deuwe weneeneto dea, Wanaadi ämjumma’da mmaja; töwäätuujacoone’da mmaja weneeneto dea, töweewacööma mmaja, o’jodhe tötö’tajä’e mmaja. Conemjönö töneejannä’e mmaja weneeneto dea, tumöötoncomo a’deddu aneeta’da, senöötoncomo a’deddu mmaja.

DOMAANO 4:13

Aawadán wwonooje töweiyemööje edä nonoodö Wanaadi cöneecammai, dhatö’jödö wwoncomooje töweiyemööje mmaja. Chäwwäiñe jenaado’jä waanontänä tödöödö jäcäinchädä’da yää Wanaadi cöneecammai, chäwwäiñe ecamjödö weijäcääne. Yää jäcäinchädä töwö Wanaadi töjaadonooje cönnöicho.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

CAADATA 3:19

Yääje yeiya’jäcä, ¿ane’cotoojo jenaado’jä waanontänä tujunne nai, quee ’ja? Äcuude yää cönä’tui conemjönö ene’ju’to’me. A’dhe töweiyemööje mma cönä’jaacä, Aawadán atöödö weejödö wa’cä mma, ñäädä Wanaadi necamma’jödö. Yää jenaado’jä waanontänä cönä’tui Wanaadi amoodedö ai; Moisé cönä’jaacä soto wwäiñe ecammajä’neije.

CAADATA 5:18

Yaawääne’, Epíiditu Santo woije äwäätä’se’ta’comjäcä jenaado’jä waanontänä adhaanontäjaiñe’da na.

CAADATA 5:21

töweichacoono nödöödö i’ñeimmadö mmaja, soto emaadö mmaja, wä’dau’nä mmaja, ämiije’jödö mma weiñä mmaja, tameedä mädoocomo nöngato mmaja. Eduuwa mänwätuujato dea, jenaadä mänwätuujatäänedööje mmaja: Tameedä mädä nöngato tödöönei Wanaadi jataacäi täjai’cha na.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

2 TEESADOONISENSE 2:8

yaawä jeene nääneja’de ñäädä conemjönö tödöödö edhaajä. Töwö nätäämaja’de yaawä Cajiichaana Jesuuquidiito eta’jiño que. Jesuuquidiito weejödö nawaananö’cadö que dea mma töwö nääma’de.

1 TIIMOTEO 4:7

Edä nono de’wono wätunnä mmaane etaajä’jai’cha ma amäädä, wätunnä iiña mmädooto mmaja. Wanaadi nödöödö jäcääne äämu’cacä.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 2:16

Wätunnä iiña mmädooto jäcä mma mei; yää jäconcomo jooje’cä mma nääwaacajaato conemjönö aca.

2 TIIMOTEO 3:2

Yaawä soto naato’de töwwäädä mma yä’jummadööcomo, jödaata jäcä töwäätätäädä mmaja, o’jodhe tötö’tajä’e mmaja, töwäätuujacoone’da mmaja. Tönwanno cone’da na’deuwaato’de Wanaadi jäcä; tumö a’deddu aneeta’da naato’de, senö a’deddu aneeta’da mmaja. Tö’wa’tä’jödö änwa’demeecö’da mmaja naato’dede, Wanaadi onnontä’da mmaja.

TIITO 1:10

Joojeene yeiya’como ñanno Wanaadi a’deddu ijo’mannamo. Cujeeje ñoowanoomadööcomo, soto tönencu’täiñe mmaja. Ñanno judhío mädääje weneeneto.

TIITO 1:16

Tönwanno Wanaadi ecaanö’nnamooje yäätä’tädööcomo; iiñödööcomo que mmaane täne’ju’dhe naato yeeshi’jodööcomooje yeichö. Töweecone’ma naato, töwäätuujacoone’da mmaja; she’caasa aashichaato tödööjai’cha mmädä naato.

TIITO 1:6

Mäcö mmädä aneewaaca’daane eichä’de ansiyaanoje. Dhanwa conemjönö chääcadööjönööne ansiyaanoje eijai ña, tooniño ijiiñamoone. Iiñacoomo quedeiyenteje eijai ñaato, ewoodoicha’da, tumö, senö a’deucwe’da’da mmaja.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

EEWEDEO 11:31

Ecamjödö que mmaja ñäädä masuudui Dajaawa ääma’da cöneiyacä ñanno conemjöncomo jadä, töwwä aashicha tödö’jödö weijäcä iisadaaediitacoomo, ñanno jata ene anonta’como.

EEWEDEO 12:16

Anejja mma adhantawäiñe imaasuduichai’che, Wanaadi onnontä’da mma ei’che, Esaú cönä’ja’döje. Töwö Esaú täwanshiñö jäcäinchädä mmädä tacoono wwä cöneecammai yää aashichaato töwwä töweiyemööjato’jödö. Yää aashichaato cönä’jaacä awa’deeto dhanwa wennuaajä wwä töweiyemö.

1 PEEDHODO 2:7

Änwanno ecaanö’nnamo wwäiñe tujunne töwö na. Ñanno aneecanö’jöncomo wwä mmaane töquiiñeme’que na, imennaajä nä’döaadöje: Yää täju, maa amännamo cönquiiñemeecöichodö, anno’tojooje na eduuwa; quee imennaajä nä’döa.

1 PEEDHODO 3:20

Ñanno cönä’ja’to Noé weichawä Wanaadi woije ännöjöncomo’jödö, yaawä Wanaadi numa cönwomo’caadawä jidaawa tödöödö Noé wwä. Yää jidaawa aca wanna’da soto cönääwanaacaicho yaawä tuna que, aaduwaawä amoojato mma.

1 PEEDHODO 4:18

Aashichaatodä ääwanaacaque’jönö naane’, töwaacö’je mma Wanaadi woijemjönö, ñäädä conemjönö dönei.

JUUDHA 1:15

tameedä soto emmencadööcomo wetä, tameedä Wanaadi woijemjöncomo maminchadööcomo wetä mmaja tameedä conemjönö iiñö’jocoomo jo’tädööje, yää Wanaadi nijummadö woije’da cönnöichodö. Tameedä töjääcä cone’da ya’deuwö’jocoomo jo’tädööje mmaja nimaaminchaato’dede;” quee cönä’döaacä Enooco.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.