1 TIIMOTEO 1:4 - Wanaadi A'deddu

⁴ wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

1 TIIMOTEO 1:4 ပူးပေါင်းရင်းမြစ်များ

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

EUJEESIYO 3:2

Änwanno odhoowanääcäiñe nichö’ta Wanaadi wwä yaanontä’jödö äjääcäinchädäiñe aashichaato wätunnä ecammajä’neije; töwö yääje yöödöne aashicha töweichö woije.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

1 TIIMOTEO 4:7

Edä nono de’wono wätunnä mmaane etaajä’jai’cha ma amäädä, wätunnä iiña mmädooto mmaja. Wanaadi nödöödö jäcääne äämu’cacä.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 2:14

Edä jäcä chö’tamme’jocooto; Cajiichaana owaadäädä yäätuujacooto wätunnä jäcä ätäccujäätö’da yeichöcoomo wetä. Aashicha dötä’da na yää wätäccujä’nä, töcoone’ma mma nichoone’ma etaanei’jödö.

2 TIIMOTEO 2:22

Yääje yeijäcä äänejeecä mude’cäje weiñä cone’nadi jonno. Chäänönge weiñääne encano’täcä, ecamjödö mmaja, wä’jummanä mmaja, täncanoode’da weiñä mmaja, ñanno aashicha tötö’tajäätödööcomo yeiyancädä Cajiichaana ecaanö’nnamo jadäiñe.

2 TIIMOTEO 2:23

Töwäädämmato wätunnä jäcä mmaane mei’che, yää döneijönö; odhoowanääcä na mädä wätäccujä’nä töneejodööjo yeichö.

2 TIIMOTEO 4:4

Tönwanno ne’nomjaato’de chäänöngato wätunnä etaadö; iiña mmädooto wätunnä mma netaato’de.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

TIITO 1:14

Yäätuujacooto’de judhío wätunnäichomo jäcä ijaanata’da yeichöcoomo wetä, aneeta’da yeichöcoomo wetä mmaja ñanno chäänöngato wätunnä ijo’mannamo a’dedducoomo.

TIITO 3:9

Tödööto’jönö wätäccujä’nä jäcä mmaane eijai’cha ma amäädä, jenaado’jocoomo wätunnäichomo jäcä eijai’cha mmaja. Jenaado’jä waanontänä jäcä mmaja ätäccujä’jai’cha ma dea, yää Moisé nimennä’jödö. Mädääje weiñä dötä’da na, täje’da mmaja.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

2 PEEDHODO 1:16

Wätunnä iiña mmädooto ñaa nejoodödö que’da äwwäiñe ñaa cöneecammajäätöi Cädhaajotoncomo Jesuuquidiito jäduudu jäcä, yeejö’jödö jäcä mmaja. Täneene ñaa cöneeneaacä iiñataadö.