1 TIIMOTEO 1:2 - Wanaadi A'deddu

² Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TIIMOTEO 1:2 ပူးပေါင်းရင်းမြစ်များ

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

CAADATA 1:3

Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TIIMOTEO 1:12

Aashicha ya’deuwa Cädhaajotoncomo Jesuuquidiito wwä, ñäädä ecammajä’neije weichö wetä jäädu’tänei. Chäänönge tö’ta’jäcä chäwwä tänoonöje yeewaacane yaawä.

1 TIIMOTEO 1:18

Amäädä önnedö Tiimoteo, edä waanontänä wimenna äwwadäädä, chäänönge adheewänä’täiye, ecamjödööje dea aweiyancädä, aashicha ätö’tajäätödö tödööancädä mmaja, jenaadä anejjacoomo quedeiyente Wanaadi woije aweichojo cöneecammajäätöichodööje dea.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 1:2

Äwwadäädä wimenna amäädä Tiimoteo, önnedö umjummadö. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 2:1

Amäädä önnedö, ä’jädu’täcä yää aashichaato Jesuuquidiito jadä cöweichomjäcä cöwwäiñe naadö que.

TIITO 1:4

Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

TIITO 3:15

Tameedä jaadoncomo ta’dedducoomo nadääjaato äwwadäädä. Quedeiyentecoomo a’dejjacooto öwö yeetö joi, ñanno cöjimmotoncomo. Wanaadi nutuudu aashichaato äwwäiñe yei’she wa. Amén.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

2 JUAN 1:3

Cumöötoncomo Wanaadi, Cajiichaana Jesuuquidiito mmaja, ñäädä Cumöötoncomo nnedö, aashichaato nödööaato äjääcäiñe, wentumje mmaja adheeneaato dea, täncanoode’da aweicho’como mmaja nu’aato dea, chäänöngato jadä, wä’jummanä jadä mmaja.

3 JUAN 1:4

Yää mma tameedä cho’jodhe ya’cwaimatä weneene, chäänöngato wätunnä woije önnacoomo weichöcoomo etaadö mma.

JUUDHA 1:2

Wentumje Wanaadi wwä adheene’seiñe wa; wä’caaje’da mmaja äwwäiñe yeejamö’se wa dea täncanoode’da aweicho’como, wä’jummanä mmaja.