1 TEESADOONISENSE 5:6 - Wanaadi A'deddu

⁶ Yääje yeijäcä öncö’daane queicho’ñojo, anejjacoomo naatoodöje’daane. Töwäädai’chääne cäädai’chäto’ñojo; cowaadäädäiñe mmaja queicho’ñojoode.

1 TEESADOONISENSE 5:6 ပူးပေါင်းရင်းမြစ်များ

MATEO 13:25

Yaawä soto wöncödaawäiñe chu’dedö cöneejä. Chuu mmädä cönnatö’täi äiña do’taca; cöntämä yaawä.

MATEO 24:42

“Äädai’chätääcä; odhoowanääcäiñe’da na adheedhajootoncomo we’tojo.

MATEO 25:13

Edääje mmaja Jesuuquidiito cönä’döa’dea yaawä: —Yääje yeijäcä äädai’chätääcä, odhoowanääcäiñe’da yeijäcä Soto nnedö we’tojo anooto cu’nädö.

MATEO 25:5

Numa töjöötaamö eejö’da yeijäcä cönquinchajäätöicho ñanno ajei’choto’ja’como; cönnö’jätöicho yaawä.

MATEO 26:38

Yaawä töwö cönä’döaacä chäwwäiñe: —Wentumje tö’tajä’a, äämajaicho wa’cä. Eetä cöwoomo’täcä; äädai’chätääcä; quee cönä’döaacä.

MAADOCO 13:37

Mädä äwwäiñe wecammaadö tameedä soto wwäiñe wecamma dea, äädai’chätääcä; quee cönä’döaacä Jesuuquidiito.

DUUCA 12:37

Ta’cwaiñe eijai ñaato ñanno tädhaajotoncomo wwä edai’chädööja’como woojodööjodööcomo. Chäänönge yääje wä’döa äwwäiñe, töwö chäädhajootoncomo nesoomajä’a’de yaawä. Meesa dö’tä tanoonö najiimajaato’de, töwwä ewanshinchädööcomo wetä.

DUUCA 12:39

Odhoowanääcäiñe tödöötäcä edääje yeichö: Maa edhaajä yeiya’jäcä naadö naane’, dhowaanäcä yeiya’jäcä tämeenato weejödö cu’nädö, öncö’da eijai ña yaawä, tönsomaadö aneememme’jö’da töweichö wetä.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

DUUCA 22:46

Töwö cönä’döaacä chäwwäiñe: —¿Aaquene mädä wa’cä ännö’cato dea? Ä’jätääcä; Wanaadi wwä adha’deutäcä, mä’yunaacajooto’no; quee Jesuuquidiito cönä’döaacä chäwwäiñe.

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

1 CODINTIYO 16:13

Äädai’chätääcä; yäätäädä aneecamjödööcomo tödöötäcä. Dhanwaaje eichäcä, jäduujeiñe.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

JIDIIPENSE 4:5

Ta’cwaiñe aweichöcoomo äänejootäcä tameedä soto wwäiñe. Amoinche’da Cajiichaana na.

CODOOSENSE 4:2

Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

1 TEESADOONISENSE 5:10

Ñäädä Jesuuquidiito cönäämai cöjääcäinchädäiñe, chääjadä cöweichöcoomo wetä. Nudä cöweiya’comjäcä chääjadä caato; cöwääma’comjäcä chääjadä dea.

1 TEESADOONISENSE 5:8

Cönwanno mmaane anooto awoncomo; cowaadäädäiñe eijai caato. Cöwwäiñe cöwoowontoto’comooje tödööjai caato ecamjödö, wä’jummanä mmaja, suddau tödo’tadö ewontotoojo tönnöe töweiye naichöje. Cuju’jocoomo ewontotoojo mmaja cöwwäiñe tödööjai caato dea, yää cöwääwanaacato’como tönwomo’que cäänetäänedö, suddau tuju’jä ewontotoojo tönnöe töweiye naichöje mmaja.

1 TIIMOTEO 2:15

Yääje yeichaame töwö wodi nääwanaaca’de chäänönge tönnacoomo tödöödö que, ecamjödööje dea yeiya’jäcä, wä’jummanä ’je mmaja, masuuduije’da yeiya’jäcä mmaja, wataasheje’da’da yeiya’jäcä mmaja.

1 TIIMOTEO 2:9

Wodiiñamo aashicha ewontäjai ñaato, wataasheje’da’da, töjöiyato töweiye naichöjeene. Yensoma’tojo’to’como eijai ña tuju’jädööcomo acaajodööjönööne; oodojöönö mmaja yennataamato’comooje eijai ña dea, mayuudujöönö mmaja, womö täjeetojöönö mmaja.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

2 TIIMOTEO 4:5

Amäädä mmaane chäänöngeedä eichä; shinchäcä äwäntunamjödö; aashichaato wätunnä ecammajäätödö jäcä oowoinchacä; chäänöngeene tödööcä ataadawaajui.

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

TIITO 2:6

Dhanwaacomo mudeeshi mmaja yäätuujacooto towaadäädäiñe yeichöcoomo wetä.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

APOOCADIISI 16:15

“Etaatäcä’ma; öwö weejödö na’de ätö’tajäätödööcomo ’nawä, tämeenato weejödö töweiye naichöje. Ta’cwaiñe eijai ña ñäädä towoinchadämjönö, ñäädä töwonconaato, töwonque’da’da yeichö wetä yaawä, töjöiye yeichö queiñe.”

APOOCADIISI 3:2

Äädai’chäcä. Chäänönge ajäichä yää äwwä naadö, yää mmaja manencwanno’jo’node. Chäänönge ataadawaajui aneedantä’da weiya Waanadiiyö owaadäädä.