1 TEESADOONISENSE 5:23 - Wanaadi A'deddu

²³ Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

1 TEESADOONISENSE 5:23 ပူးပေါင်းရင်းမြစ်များ

DUUCA 1:46

Yaawä Madía cönä’döaacä: Cajiichaana jäcä aashicha tö’tajä’a;

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 15:33

Wanaadi, ñäädä täncanoode’da weichojo u’nei, ajaadäiñe yei’she wa. Amén.

DOMAANO 15:5

Ñäädä Wanaadi yäätäädä aweicho’como nu’a, äwä’wa’dätö’como mmaja. Töwö ä’wa’taato aata’deucwe aweichöcoomo wetä, Jesuuquidiito jadoncomo töweiye naichodööje deaane.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 14:33

Wewoodoichanä edhaajäjöönö ñäädä Wanaadi, acu’shämje weiñä edhaajääne. Tameedä quedeiyentecoomo wecanta’ñänä tönnöe weneenetoodöje dea

2 CODINTIYO 5:19

Edääje wä’dö’se weichö mädä: Töwö Wanaadi töjaadä ääweichacoonoje edä nono de’woncomo cönnöicho Quidiito ai; ñeejeque’näjöödöcoomoje choone’nadiiyöcoomo ännö’da cöneiyacä. Ñaa tadaawaajuije cuntui töjaadä ääweichacoonoje wä’dönä jäcä ecammajäätödö.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 4:9

Yää tödöötäcä’de änwanno, monoowanoomatäänedö, äwwäiñe mödöötäneedö mmaja, metaatäneedö mmaja, tödöödöje cäneea’quennö. Yaawä Wanaadi ajaadäiñe na’de, ñäädä täncanoode’da weiñä edhaajä.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

1 TEESADOONISENSE 2:19

Änwanno maato ñaa tö’tajo’tojooje, ñaa a’cwaniiyöje mmaja. Äjääcäinchädäiñe ta’cwaiñe ñaa na’de Cädhaajotoncomo Jesuuquidiito we’a’jäcä.

1 TEESADOONISENSE 3:11

Cumöötoncomo Wanaadi, Cädhaajotoncomo Jesuuquidiito mmaja, towaanäcäiñe ñaa enno’jaato’de adöiñaiñe.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

1 TEESADOONISENSE 4:3

Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 5:22

Ä’sancwatääcä tameedä conemjönö jonno.

2 TEESADOONISENSE 3:16

Ñäädä, täncanoode’da weichojo edhaajä, täncanoode’da aweicho’como nu’a yeichöödäje, tameedä aweichöcoomo jäcä. Cädhaajotoncomo ajaadäiñe na, tameedä aweichöcoomo wa’cä.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 4:12

Wanaadi a’deddu yeichöödäje na, jäduuje mmaja, sauda ääjatooto dhejiiyajä e’jodhe seqque yeichö. Sö’je chäcä yääwaacadö cödo’tacaiñe, cötö’tajäätödööcomo tojoodöeene. Cötö’tajäätödööcomo jaiñoone nene’ju’ja, cötö’tajo’to’como mmaja.

SANTIYAACO 1:4

Chäänönge oowanoomatääcä aashicha shinchädö jäcä, chäänönge maatö’nä’täiye yaawä, ane’cä’cä ojoona’daiñe eiye.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.