1 TEESADOONISENSE 5:21 - Wanaadi A'deddu

²¹ Tameedä chäänönge imencatääcä; aashichaato dea äwwäiñe tödöötäcä.

1 TEESADOONISENSE 5:21 ပူးပေါင်းရင်းမြစ်များ

DUUCA 12:57

“ ¿Ane’que’nei änwanno dea chäänöngato que ecooneca’da määnetääne?

JUAN 15:4

Jaadäädä eichäcä, ajaadäiñeedä waadöje mmaja. Chääjö jonno dhajäädö waajäca’jäcä töwoije ejössataajai’cha töweiye nai. Yääje mmaja änwanno, jaadä’da aweiya’comjäcä aashicha aweichöcoomo ejaamö’da eijai ña yaawä.

JUAN 8:31

Yää ’jeje Jesuuquidiito cönä’döaacä ñanno judhío täcaanö’nnamo wwäiñe: —Ya’deddu woije dea aweiya’comjäcä noowanoomadö chäänönga’comooje eijai maato yaawä.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 2:11

Soto dhowaanäcä’da töweiye nai töjimmä tö’tajäätödö, töwö dea mma dhowaanäcä na tötö’tajäätödö. Mädääje mmaja Wanaadi tö’tajäätödö owaanäcä’da na, Epíiditu Santo mma dhowaanäcä na.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

EUJEESIYO 5:10

Äwwäiñe Cajiichaana a’cwaimatoojo jäcä oowanoomatääcä.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

JIDIIPENSE 3:16

Yää queejodöötäneedö woije mmaane cötö’tajä’täiye; yää woije queichäiye.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

1 TEESADOONISENSE 5:15

Odhoowoinchadäiñe’da eichäcä, anejja mma adhantawäiñe töjääcä conemjönö tödö’jödö conemjönö que mmaja oojo’to’no. Aashichaato dödö mmaane encano’täjai maato änwannoje dea, tameedä soto jäcäiñe mmaja.

1 TEESADOONISENSE 5:22

Ä’sancwatääcä tameedä conemjönö jonno.

2 TEESADOONISENSE 2:15

Yääje yeijäcä jimmä, jäduujeedä eichäcä. Mane’nomjatäi’che odhoowanooma’jocoomo ñaa wwä, yää ñaa necammajäätö’jödö, ñaa nimennä’jödö mmaja.

2 TIIMOTEO 1:15

Odhoowanääcä na tameedä Aasiya ñancomo wwä ye’nomja’jödö, Jijeedo mmaja, Eedemoojene mmaja.

2 TIIMOTEO 3:6

Ñanno yääja’como soto e’sacaiñe töwoomonge weneeneto wodiiñamo ta’seuda’como encu’tädööcomo wetä. Ñanno wodiiñamo jooja’como choone’nadiiyö; tönwanno tösaadijange naato änneene’jödöödä conemjönö ijummadö que.

2 TIIMOTEO 4:14

Aadejantudu, ñäädä sejaadadi jäcoono wetaadawa’cajoodö, jooje conemjönö cönnöi jääcä. Cajiichaana nejeema’de iiñö’jödö jo’tädööje.

EEWEDEO 10:23

Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

APOOCADIISI 2:25

Yää äwwäiñe naadö mmaane täijeene ajäichäcä, adöiña öötädö wa’cä.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.

APOOCADIISI 3:3

Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.