19 Epíiditu Santo maneeta’jöichojootäi.
“Änwanno töwäätuujacoonemjöncomo; Wanaadi dhowaanojöncomo nönge maato, eta’se’da, chäänönge’da mmaja ätö’tajäätödööcomo. Änwanno Epíiditu Santo jäcä töwä’jädu’tä määnetääne. Adhaadai’choncomo wei’jocoomo nönge dea maato.
Yaawä Wanaadi woije anejja shuucuno wwä ecammajo’tojo yä’tua’jäcä, ñäädä ecammajä’nei eta’jöjai ña yaawä, ñäädä wwä ecammajäätödö wetä.
Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.
Tameedä mädä de’wä mmaja jeene ecamjödö tödöötäcä odo’tadööcomo ewontotoojoje. Yää que uncwe’cajai maato tameedä odo’sha shimaadai emjannaajä weejödö.
Änquiiñemeecö’da eichäcä Wanaadi nutuudu ecammajäätödö.
Ema’jödööje’da tödööcä Wanaadi nutuudu äwwä naadö, yää Wanaadi woije ade’wä ansiyaano tamäädöcoomo cönnöichodaawä äwwä cönä’tuichö.
Yääje yeijäcä mänwätuuja Wanaadi nutuudu äwwä naadö michaatu’nacaiye, yää yaamädö ade’wä wödöönedaawä äwwä cönä’tuichö.
