1 TEESADOONISENSE 5:14 - Wanaadi A'deddu

¹⁴ Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TEESADOONISENSE 5:14 ပူးပေါင်းရင်းမြစ်များ

MATEO 12:20

Soto cudaata täcuumeto wa’taajä aiyonei töweiye naichöje’da yaanonö na’de; adhaawa änweijojöönö tunque’ca mma uncwe’canei töweiye naichöje’da mmaja. Yaawä jeene, wätämmencajootojo anooto awä jeene, töwö nichaana’ca’de.

DUUCA 22:32

Yääje yeijäcä Wanaadi wwä we’ca’ne ecamjödööje dea aweichojo. Yaawä aweeconeeca’jäcä ajimmä ijäädu’täcooto’de; quee cönä’döaacä Jesuuquidiito.

DOSECHO 20:27

Öwö yä’jödöödä äwwäiñe wecammajä’ne Wanaadi a’deddu, dhantai etoone’tancädä’da.

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOMAANO 12:1

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

DOMAANO 14:1

Aashicha ajaadäiñe tödöötäcä ñäädä ecamjödö jäcä jäduujemjönö; ñeecamjödö jäcä chääjadä mätäccujä’täi’che.

1 CODINTIYO 4:14

Ajöichojooto’comooje’da mädä wimenna, äwäätuujato’comoojeene, önnacoomo umjummadööje aweijäcäiñe.

1 CODINTIYO 8:7

Tameedä’da soto mädä dhowaanäcäiñe na. Anejja chu’taajä jäcä töwäämu’ca töwei’jödö weijäcä yää chu’taajä wwä u’ajä tänääjai ña yääje tötö’tajä’ancädä: “Chu’taajä wwä u’ajä wänääanä;” quee tötö’tajä’ancädä. Yaawä jäduuje’da tötö’tajäätödö weijäcä conemjönö nejoodöja tötö’tajäätödö ai.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

2 TEESADOONISENSE 3:15

Tutu’de’tä deja mma mäntu’de’tätäi’che; töwäätuuja mmaane yäätuujatääcä’de, töweichacoono yäätuujadö töweiye naichöje deaane.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 1:10

Joojeene yeiya’como ñanno Wanaadi a’deddu ijo’mannamo. Cujeeje ñoowanoomadööcomo, soto tönencu’täiñe mmaja. Ñanno judhío mädääje weneeneto.

TIITO 1:6

Mäcö mmädä aneewaaca’daane eichä’de ansiyaanoje. Dhanwa conemjönö chääcadööjönööne ansiyaanoje eijai ña, tooniño ijiiñamoone. Iiñacoomo quedeiyenteje eijai ñaato, ewoodoicha’da, tumö, senö a’deucwe’da’da mmaja.

EEWEDEO 12:12

Yääje yeijäcä awaajä’su’ta’como ijäädu’tätääcä, ojoode’su’ta’como mmaja;

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.