1 TEESADOONISENSE 5:12 - Wanaadi A'deddu

¹² Änwanno jimmä, edääje ñaa äwäätuujaato: Tönoiñe eneetäcä ñanno äjääcäiñe töweetadaawa’cajo weneenetoodö, Jesuuquidiito jäcäinchädä adhe’se’tännamo, ñanno äwäätuujannamo.

1 TEESADOONISENSE 5:12 ပူးပေါင်းရင်းမြစ်များ

DUUCA 10:7

Yää tawä dea eichäcä’de aneiñaja äätädööcomo wa’cä. Adheewashinchäneichomo wwä utuudu woije ääwashinchätääcä’de, chäwwäiñe amuudädö woije mmaja. Tadaawaaju tödöönei ätääjema’da’da töweiye nai. Ä’sa waadäi mma määmannä’täi’che.

JUAN 4:38

Öwö manaanontätääne anaatödööcomoojönö amu’que. Anejjacoomo cönnatö’toicho, änwanno mamu’cato eduuwa chaadawaajuichomo’jödö; quee cönä’döaacä Jesuuquidiito.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOMAANO 16:12

Tidiijeena wwä mmaja, Tidiijoosa wwä mmaja, ñanno Cajiichaana tadaawaajui jäconcomo wetaadawa’cajoodö; Jeesida wwä mmaja, ñäädä Cajiichaana tadaawaajui jäcä töweetadaawa’cajo weneenedö.

DOMAANO 16:6

Madía wwadäädä mmaja ya’deujödö wadääja dea, ñäädä äjääcäinchädäiñe jooje töweetadaawa’cajo weneenedö.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 16:16

Yääje yeijäcä yääja’como i’wa’täjai maato, tameedä ñönga’como mmaja, anejjacoomo ’wa’tännamo mmaja, töweetadaawa’caja’como mmaja.

1 CODINTIYO 16:18

Tönwanno ta’cwaiñe tö’tamme’jojä’tä weneeneto, änwanno mmaja. Canno nönga’como aashicha tödööjai caato.

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 5:9

Yääje yeijäcä Cajiichaana Jesuuquidiito a’cwaimadö encano’täjai caato, nudä cöweiya’comjäcä, töwääma cöweiya’comjäcä jeiñe mma.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 4:11

Töwäädämmato nönge äjääcäiñe weetadaawa’cajo’jödö nichö’ta öwwä.

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

JIDIIPENSE 2:19

Cajiichaana Jesuuquidiito woije yeiya’jäcä, adöiñaiñe Tiimoteo anontä’se wa eduuwa mma, ta’cwaiñe weiye yaawä adheecadööcomo eta’jäcä öwwä.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TIIMOTEO 5:1

Täuwe mma maneuwöicho’de inchoncomo; töwäätuuja mmaane yäätuujacooto, tumö yäätuujadö töweiye naichöje. Ñanno ääjömannamo adhaacontomo nönge tödööcoto.

1 TIIMOTEO 5:20

Ñanno ansiyaano cönemjönö dödööje dea’como yäätuujacooto tameedä tätaamöje, anejjacoomo ääcatoncaiyeto yaawä.

2 TIIMOTEO 2:6

Ñäädä ñaatö’tädö jäcoono wetaadawa’cajo’jödö awa’deene yää natö ejeedödö ajoojojai ña.

TIITO 1:3

Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

TIITO 1:5

Öwö männänne Quedeeta antadö ña cötaadawaajui acoichaneije, jata waadäi ansiyaano ewaacaneichomooje mmaja, manaanontäneedöje dea.

TIITO 2:15

Mädääje owaanomaacoto; ijäädu’täcooto; jäduuje yäätuujacootode. Äwä’quimmajoojo’tojo mma maneejodööjoi’che.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

EEWEDEO 13:7

Adhe’se’tännamo’jödö ijummatääcä, ñanno äwwäiñe Wanaadi a’deddu cöneecammajäätöichodö. Iiñö’jocoomo jäcä ätö’tatääcä; ñeecamjödööcomo nönge mmaja ecaanö’täcä änwanno.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:18

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Tiiyatiida ñancomo quedeiyente edai’chäneichomo wwadäädä: “Edääje nä’döa Wanaadi nnedö, ñäädä wa’to nöngato chäänudu, oodo encaimaajä nöngato i’judu:

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.