1 TEESADOONISENSE 5:11 - Wanaadi A'deddu

¹¹ Yääje yeijäcä ä’wa’dätääcä änwannoje dea; ä’jädu’tätääcä, tönnöe määnetäänedööje dea.

1 TEESADOONISENSE 5:11 ပူးပေါင်းရင်းမြစ်များ

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

DOMAANO 15:2

Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 14:12

Yääje yeijäcä jimmä, Epíiditu Santo nu’jätöödö tujunne yeiya’jäcä äwwäiñe yääne encano’tätääcä, quedeiyentecoomo i’wa’toto’comoone.

1 CODINTIYO 14:29

Aacä Wanaadi nutuudu woije ecammajä’nnamo na’deuwö’ña’to, aaduwaawä jeiñe mma. Anejjacoomo chö’tamme’jai ñaato ñeecammajäätödööcomo.

1 CODINTIYO 14:5

Tameedä änwanno anejja a’deucwe awei’sheiñe waadö’je; Wanaadi woije ecammajäätödö mmaane jooje’cä jeene äwwäiñe yei’she wa. Yää ecammajäätödö anejja a’deucwe wa’deunä e’jodhe’cä na, täcamma’da ya’deuwö’jödö yeiya’jäcä, tameedä quedeiyentecoomo ä’jädu’täiyeto yaawä.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

1 TEESADOONISENSE 4:10

Mädääje dämma tumjumma määnetääne tameedä quedeiyentecoomo Maasedooniya ñancomo. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 4:18

Yääje yeijäcä ä’wa’däätäcä edä ecammajäätödö que.

1 TIIMOTEO 1:4

wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

2 PEEDHODO 1:12

Yääje yeijäcä weiñäje ätö’tamme’jodööcomooje dea wäänene mädä jäcä, odhoowanääcäiñe yeichaame, jäduujeedä aweichaameiñe mmaja mädä chäänöngato äwwäiñe naadö jäcä.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.