1 TEESADOONISENSE 4:5 - Wanaadi A'deddu

⁵ Änwanno ajiiñantoncomo tödööjai’cha maato ajuunucoomo nijummadö woije mma, äänawä awei’sheiñe aweichöcoomo jäcäinchädä mma’da mmaja. Quedeiyentejöncomo mmaane mädääje weneeneto, ñanno Wanaadi dhowaanojöncomo.

1 TEESADOONISENSE 4:5 ပူးပေါင်းရင်းမြစ်များ

MATEO 6:32

Yää nöngato jäcä töwäätancano’tä weneeneto ñanno Wanaadi dhowaanojöncomo. Dha’da änwanno; töweiye Oomotoncomo caju ñano. Töwö dhowaanäcä tameedä yääcomo äwwäiñe tujunne yeichö.

DUUCA 12:30

Yää nöngato jäcä töwäätäncano’tä weneeneto ñanno edä nono de’woncomo. Dha’da änwanno; töweiye Oomotoncomo; töwö dhowaanäcä tameedä äwwäiñe a’cato.

DOSECHO 17:23

Awe’jummato’como do’tai wäämannäjöödawä saaquidiijiisiyo dötoojo weneeaqueene; imennaajä chääjäcä cönä’jaacä: “Wanaadi owaanojöönö wwono edä;” quee. Ñäädä odhoowanoocomoojönööje yeichaame chäwwä tönnöe määnetäänedö wecammajä’a äwwäiñe.

DOMAANO 1:24

Yääje yeijäcä Wanaadi cöneetömaicho yaawä tujuunucoomo nijummadö woije conemjönö tödöödö wetä töwwäiñe, tönwannoje dea täjööcomo choone’madö wetä yaawä.

DOMAANO 1:26

Yääje yeijäcä Wanaadi cöneetömaicho ñanno soto, conemjönö tumjummadööcomo tödöödö wetä chäwwäiñe. Wodiiñamo jadä’jödöödä cönääsecaicho dhanwa jadä töweicho’como jonno, tödöödö töweiye naichöje’da tödöödö wetä.

DOMAANO 1:28

Tujumma’se’da yeichomjäcä töwö Wanaadi cöneetömaicho tötö’tajäätödööcomo wecoone’maajä woije mma yeichöcoomo wetä, tödööemjönö tödöödö wetä chäwwäiñe.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

CAADATA 4:8

Jenaadä, Wanaadi odhoowanääcäiñe’da yeichö, wanaadija’como anoonöje töweiye mä’ja’quene, wanaadi ñeeneje’da yeichaameiñe ñanno.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

1 PEEDHODO 4:3

Chääwa’cä na yää jenaadä awei’jocoomo, Wanaadi dhowaanojöncomo wacöötö tönnöe mä’ja’quennö, yää masuuduichanä, tujummamjönö ijummadö mmaja, wä’dau’nä mmaja, wänwanä mmaja, wewoodoichanä mmaja, waanontänä wä’dödö nönge’da chu’taajä ijummadö mmaja.