1 TEESADOONISENSE 4:3 - Wanaadi A'deddu

³ Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 4:3 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

MATEO 5:32

Öwö mmaane yääje wä’döa äwwäiñe: Ñäädä imaasuduicha’jödö jäcäinchädä’da töjiiñamo e’nomjanei, conemjönö nödööja töjiiñamo wwä. Ñäädä e’nomjaajä dö’tono wä’dödö mmaja conemjönö nödööa dea.

MATEO 7:21

“Tameedä’da nomongaato’de caju ña: “Cajiichaana, Cajiichaana;” que’como wä’dödö. Ñannoone, Jaaja caju ñano woije tödönnamoone nomongaato’de.

MAADOCO 3:35

Ñäädä Wanaadi woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 15:20

Tömennä mmaane quiimennätäiye chäwwadäädäiñe chu’taajä namoi’chädö jäcä’da yeichöcoomo wetä, masuuduije’da yeichöcoomo wetä mmaja, awö’cajä, eta’jiiñä’caajä mmaja änäänä’da yeichöcoomo wetä mmaja, munu anaame’da yeichöcoomo wetä mmaja.

DOSECHO 15:29

Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 7:2

yaawääne’ jooje wä’yunaacanä yeijäcä töwaadäiñe dhanwaacomo töjiiñantoncomo tödööjai ñaato, wodiiñamo mmaja töwaadäiñe töiñonootoncomo tödööjai ñaato dea.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

CAADATA 5:19

Owaanäcä na tujuunu woija’como nödöödö, yää masuuduichanä, täjö que conemjönö tödöödö mmaja, chäänöngemjönö tödöödö mmaja,

EUJEESIYO 5:17

Tämje’daiñe eichäcä; Cajiichaana woijato odhoowanääcäiñe yeichojo encano’tätääcä.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 4:2

Änwanno odhoowanääcäiñe na yää waanontänä Jesuuquidiito woije äwwäiñe ñaa cöneecammaichö.

1 TEESADOONISENSE 4:4

Töwö awaadäiñe odhoowanääcäiñe yei’she na ajiiñantoncomo tödöödö, conemjönö jäcä ätö’tajä’ancädäiñe’da, aashicha tödööancädäiñeene.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

EEWEDEO 12:16

Anejja mma adhantawäiñe imaasuduichai’che, Wanaadi onnontä’da mma ei’che, Esaú cönä’ja’döje. Töwö Esaú täwanshiñö jäcäinchädä mmädä tacoono wwä cöneecammai yää aashichaato töwwä töweiyemööjato’jödö. Yää aashichaato cönä’jaacä awa’deeto dhanwa wennuaajä wwä töweiyemö.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

1 JUAN 2:17

Edä nonoodö wataamedö mädä, tameedä edä nono de’wono tujunnato mmaja. Ñäädä Wanaadi woije tödöönei mmaane yeichöödäje töweiyemööje na.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.