1 TEESADOONISENSE 4:13 - Wanaadi A'deddu

¹³ Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

1 TEESADOONISENSE 4:13 ပူးပေါင်းရင်းမြစ်များ

MATEO 27:52

Äwa cöna’ta’ducaajätöi chea. Jooje Wanaadi sotoi’jödö wä’jajo’jocoomo conaadoncaicho yaawä.

JUAN 11:24

Maadata cöneccujä’acä: —Yoowanääcä na yaadoncatoojo, yä’ja’a’como waadoncato’como anooto awä, anooto wataamedaawä; quee cönä’döaacä.

DOSECHO 13:36

Ñäädä Dawí Wanaadi woije töweiye cönä’jaacä nudä töweichö wadaadäädä. Yaawä yääma’jäcä ijimmä cöneewaacaicho dhadai’jödö dö’tä; chääjö cöncätai yaawä.

DOSECHO 7:60

Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOSECHO 8:2

Anejjacoomo soto aashicha’como Eteewa cöneewaacaicho; jooje cönaamoa’to ijunnei.

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

1 CODINTIYO 10:1

Jimmä, ätö’tatääcä cadai’choncomo wei’jocoomo jäcä; tameedä tönwanno ca’dutu o’nä töötä töweiye cönä’ja’to; tameedä cöne’dätoicho Dama Seweichato wenwa’duaajä ai.

1 CODINTIYO 12:1

Jimmä, cöwaadäiñe Epíiditu Santo nu’jätöödö jäcä odhoowanääcäiñe yei’she wa.

1 CODINTIYO 15:6

Yää ’jeje töwö cönäänejoi aacä soto soto quedeiyentecoomo we’jumma’como wwäiñe. Ñanno nudä dea naato eduuwa, dhantai töwä’ja’e yeichaameiñe.

2 CODINTIYO 1:8

Jimmä, odhoowanääcäiñe yei’she wa Aasiya ña ñaa wäntunamjö’jödö. Ñaa wwä shinchädö e’jodhe deja ñaa maminchaneeto; äämajaicho wa’cä ñaa cöntö’taacä yaawä.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

1 TEESADOONISENSE 4:14

Cönwanno queecanö’ato Jesuuquidiito wääma’jödö, yaadonca’jödö mmaja. Queecanö’ato dea ñanno quedeiyentecoomo wä’jajo’jocoomo Wanaadi wwä anontotoojo Jesuuquidiito weejödö jadä.

1 TEESADOONISENSE 4:15

Yääje yeijäcä edääje ñaa nä’döa äwwäiñe Jesuuquidiito woije: Cönwanno nudo’como, Jesuuquidiito weejödö jonaanato wo’somjo’jocoomo, tä’da caato’de ñanno yä’ja’a’como owaajo.

1 TEESADOONISENSE 5:10

Ñäädä Jesuuquidiito cönäämai cöjääcäinchädäiñe, chääjadä cöweichöcoomo wetä. Nudä cöweiya’comjäcä chääjadä caato; cöwääma’comjäcä chääjadä dea.

1 TEESADOONISENSE 5:6

Yääje yeijäcä öncö’daane queicho’ñojo, anejjacoomo naatoodöje’daane. Töwäädai’chääne cäädai’chäto’ñojo; cowaadäädäiñe mmaja queicho’ñojoode.

2 PEEDHODO 3:4

Edääje nä’döaato’de: “¿Äsha’cä Quidiito nä’döi, ñäädä yeejödö cönäätäcamma’dö? Chäänönge dea dajaane weiñä weneene, cadai’choncomo’jödö wä’jajo’jocoomo jonnoto’jödöödä, edä nono tödö’jödö jonnoto’jödöödä töweiye cönä’ja’döje dea;” quee nä’döaato’de.

2 PEEDHODO 3:8

Jimmä umjummadö, odhoowanääcäiñe tödöötäcä tooni anooto Cajiichaana wwä miide weduuto nönge yeichö; miide weduuto ’quene tooni anoototo nönge na chäwwä.