1 TEESADOONISENSE 4:1 - Wanaadi A'deddu

¹ Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 4:1 ပူးပေါင်းရင်းမြစ်များ

JUAN 15:2

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

DOSECHO 20:27

Öwö yä’jödöödä äwwäiñe wecammajä’ne Wanaadi a’deddu, dhantai etoone’tancädä’da.

DOMAANO 8:8

Yääje yeijäcä ñäädä tujuunu woijato Wanaadi a’cwaimajai’cha na.

1 CODINTIYO 11:23

Cajiichaana Jesuuquidiito dea yoowanoomane yää äwwäiñe wecammajä’aaquennö. Tu’tojo coijaichawä dea Cädhaajotoncomo Jesuuquidiito uu cönannäjöi.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

2 CODINTIYO 5:9

Yääje yeijäcä Cajiichaana Jesuuquidiito a’cwaimadö encano’täjai caato, nudä cöweiya’comjäcä, töwääma cöweiya’comjäcä jeiñe mma.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 6:1

Jimmä, conemjönö wwä ajimmotoncomo woto’jodheinchaja’jäcä änwanno chäänönga’como yeeconeecadö jäcä i’wa’täjai maato yaawä, cho’jodhe ätö’tajä’ancädäiñe’da. Awaadäiñe äädai’chätääcä, änwanno mmaja mä’yunaacajooto’node.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 4:20

Änwanno mmaane mädääje’da Quidiito jäcä moowanoomatääne.

EUJEESIYO 5:17

Tämje’daiñe eichäcä; Cajiichaana woijato odhoowanääcäiñe yeichojo encano’tätääcä.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 1:9

Wanaadi wwä töne’ca’e wäänene jooje’cä äwä’jummadööcomo wejantojo, töseedujä’ne aweicho’como jadä, tösejjeque aweicho’como jadä mmaja,

JIDIIPENSE 3:14

Nwaadädä dea wöta, chu’nä’taajä döiña tödööene, caju ñano aashichaato wichaana’caiye, yää chääjäcäinchädä Wanaadi tanoonöje cödöötäneedö, Jesuuquidiito sotoije cöweijäcäiñe.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 2:6

Yääje yeijäcä Cajiichaana Jesuuquidiito mecaanö’täneedöje dea chääjadäädä eichäcä.

1 TEESADOONISENSE 3:12

Ñäädä Cädhaajotoncomo adhaatö’nä’jaato, äwä’jummato’como mmaja nu’a dea, tameedä soto ijummato’como mmaja, ñaa ajummaatoodöje dea.

1 TEESADOONISENSE 4:2

Änwanno odhoowanääcäiñe na yää waanontänä Jesuuquidiito woije äwwäiñe ñaa cöneecammaichö.

1 TEESADOONISENSE 5:12

Änwanno jimmä, edääje ñaa äwäätuujaato: Tönoiñe eneetäcä ñanno äjääcäiñe töweetadaawa’cajo weneenetoodö, Jesuuquidiito jäcäinchädä adhe’se’tännamo, ñanno äwäätuujannamo.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

2 TEESADOONISENSE 2:1

Änwanno jimmä, edääje töwä’dö’se ñaa na äwwäiñe Cädhaajotoncomo Jesuuquidiito weejödö jäcä, töjaadä cu’jummato’como jäcä mmaja.

2 TEESADOONISENSE 3:1

Änwanno jimmä, Wanaadi wwä adha’deutäcä ñaa jäcä, tameedä yeichö wa’cä Cajiichaana a’deddu ätääcammaiye, aashicha mmaja soto etaiyeto’de, änwanno metaatäneedöje mmaja.

2 TEESADOONISENSE 3:13

Jimmä, chaaquejö’da eichäcä aashichaato tödöödö jäcä.

1 TIIMOTEO 5:21

Wanaadi owaadäädä yääje wä’döa äwwä, Jesuuquidiito owaadäädä mmaja, dhamoodedö eiya’como owaadäädäiñe mmaja: Tameedä edä waanontänä tödööcä’de äänönge soto tödööancädäiñe, o’jodhe anejja ijummancädä’da.

2 TIIMOTEO 4:1

Edääje mänwätuuja Wanaadi owaadäädä, Jesuuquidiito owaadäädä mmaja. Ñäädä Jesuuquidiito cajiichaanaje ne’a’de tameedä nudo’como emmencadööcomo wetä, yä’ja’a’como emmencadööcomo wetä mmaja. Ñäädä owaadäädä edääje wä’döa äwwä:

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.