1 TEESADOONISENSE 3:4 - Wanaadi A'deddu

⁴ Ajaadäiñe ñaa weichö dhowaajodä dea töneecammajä’e ñaa cönä’jaacä töwäntunaanö’aamoje cöweichöcoomo. Mädääje dea cöneeja’dätäi; änwanno odhoowanääcäiñe na yääje yeichö.

1 TEESADOONISENSE 3:4 ပူးပေါင်းရင်းမြစ်များ

MATEO 24:25

Mädääje na; äwwäiñe wecammajäätöi dhowaajodä.

DOSECHO 17:1

Yääje mma yaawä töötädaawäiñe Amjiipodi ñano cömja’dätoicho, Aapodooniya ñano mmaja; cönä’döicho yaawä Teesadoonica ña. Yäätä cönä’jaacä judhío we’jummato’como.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

2 TEESADOONISENSE 2:5

¿Tötö’ta dea jönca maato yääje dea töneecammajä’e wei’jödö ajaadäiñe weichö?

2 TEESADOONISENSE 3:10

Ajaadäiñe ñaa weichö edääje töwä’döe ñaa cönä’jaacä äwwäiñe: “Ñäädä töweetadaawa’cajo’semjönö, ääwashinchä’da mmaja eijai ña dea;” quee.