1 TEESADOONISENSE 3:13 - Wanaadi A'deddu

¹³ Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

1 TEESADOONISENSE 3:13 ပူးပေါင်းရင်းမြစ်များ

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

DUUCA 1:6

A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to.

DOMAANO 14:4

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 15:23

Cöwaadäiñe cucu’nädööcomo awä caadoncaato’de. Quidiito awa’deetoje cönaadoncai; yaawä töwö ye’a’jäcä, shootoi chaja naadoncaato’de.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

EUJEESIYO 5:27

Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

1 TEESADOONISENSE 2:19

Änwanno maato ñaa tö’tajo’tojooje, ñaa a’cwaniiyöje mmaja. Äjääcäinchädäiñe ta’cwaiñe ñaa na’de Cädhaajotoncomo Jesuuquidiito we’a’jäcä.

1 TEESADOONISENSE 3:11

Cumöötoncomo Wanaadi, Cädhaajotoncomo Jesuuquidiito mmaja, towaanäcäiñe ñaa enno’jaato’de adöiñaiñe.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TEESADOONISENSE 4:15

Yääje yeijäcä edääje ñaa nä’döa äwwäiñe Jesuuquidiito woije: Cönwanno nudo’como, Jesuuquidiito weejödö jonaanato wo’somjo’jocoomo, tä’da caato’de ñanno yä’ja’a’como owaajo.

1 TEESADOONISENSE 4:17

yaawä jeene cönwanno nudo’como. Chääjadäiñe coojodööaato’de yaawä; tujuumä cataadäjaato’de yaawä ca’dutu de’wä, caju ña Jesuuquidiito ejoodödö wetä cöwwäiñe. Yaawä cöweichöcoomoje caato’de Cädhaajotoncomo jadä.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

2 TEESADOONISENSE 1:10

töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.

2 TEESADOONISENSE 1:7

Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

2 TEESADOONISENSE 2:1

Änwanno jimmä, edääje töwä’dö’se ñaa na äwwäiñe Cädhaajotoncomo Jesuuquidiito weejödö jäcä, töjaadä cu’jummato’como jäcä mmaja.

SANTIYAACO 5:8

Ñäädä töweiye naichöje mmaja eichäcääde änwanno; ejääduqueejö’da eichäcä, Cajiichaana we’tojo amoinche’da yeijäcä.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

JUUDHA 1:14

Ñanno jäcäiñe Enooco cöneecammajäätöi, ñäädä Adhán jonno aacä amoojatooto soto adaichö. Edääje Wanaadi woije ñäädä Enooco cönä’döaacä: “Cajiichaana weejödö weneeaqueene wannacoomo tösootoi aashicha’como jadäiñe,

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.