1 TEESADOONISENSE 3:10 - Wanaadi A'deddu

¹⁰ Wanaadi wwä töwa’deuwe ñaa weneene ano, coijai’jödöödä, cöwääneto’como jäcä. Adheene’seiñe ñaa na, jooje’cä aneecamjödööcomo ejannä’cajoodö wetä.

1 TEESADOONISENSE 3:10 ပူးပေါင်းရင်းမြစ်များ

DUUCA 2:37

Cönäätöiñocai yaawä. Yää jonnoto’jödöödä töiñoque’da conä’jaacä aacäichea sotooto de’wä aacäichea wedu. Wanaadi weichojo taca töweiye cönä’jaacä, aneiñaja täjäätö’da. Wanaadi wwä tönnöe töweiye cönä’jaacä, ano, coijai’jödöödä, wäänemaanä que, chäwwä wa’deunä que mmaja.

DOSECHO 26:7

Tameedä Iisadaaeeda weichö, ñanno amoojadooto de’wä aacä iju’jä naatoodö, niyoomo’caato dea yääje töneecamma’jödö tödöödö Wanaadi wwä. Yääje yeijäcä Wanaadi wwä tönnöe weneeneto ano, coijai mmaja. Mädä töneecanö’e weijäcä cone’da na’deuwaato eduuwa jääcä, cajiichaana Aaquidiipa.

2 CODINTIYO 1:15

Mädääje äjääcäiñe tö’tajäätödö weijäcä awa’deene ädö’täcäiñe Maasedooniya ña öötä’se wä’jaaquennö’je, yää ’jeje iiñano’jödö ädö’täcäiñe mmaja wennacaadö wetä yaawä, aacädeene ta’cwaiñe aweichöcoomo wetä adöiñaiñe öötädö weijäcä, äwwäiñe yenno’jadö wetä yaawä Judheea ña.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

JIDIIPENSE 1:25

Yääje yeijäcä nudä weichojo yoowanääcä na, ajaadäiñe weichö wetä, quedeiyenteje aweichöcoomo jäcä ä’wa’täneichomooje, aneecamjödööcomo jäcä ta’cwaiñe aweichöcoomo wetä mmaja.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 3:11

Cumöötoncomo Wanaadi, Cädhaajotoncomo Jesuuquidiito mmaja, towaanäcäiñe ñaa enno’jaato’de adöiñaiñe.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TIIMOTEO 1:3

Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

JIIDEMÓN 1:22

Adhe’saca wä’dötoojo choonecaacä’de yoowajo. Jääcä Wanaadi wwä awa’deuwödööcomo weijäcä jedeesoje weichö jonno yu’cadö nichö’ta, adöiñaiñe öötädö wetä yaawä.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 7:15

Yääje yeijäcä Wanaadi mudei je’taca naato. Wanaadi wwä netaadawa’cajaato ano, coijai mmaja, töwö yeichojo taca. Ñäädä mude de’wä naadö niñeejontaato’de.