1 TEESADOONISENSE 2:4 - Wanaadi A'deddu

⁴ Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

1 TEESADOONISENSE 2:4 ပူးပေါင်းရင်းမြစ်များ

DUUCA 12:42

Töwö Cädhaajotoncomo cönä’döaacä yaawä: —¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 16:11

Edä nono de’wono mösooma chäänönge ännö’da aweiya’comjäcä, ¿aaquene mmaja aashichaato jaiñoone äwwäiñe ä’tuduude’ ?

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

DOMAANO 8:27

Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

1 CODINTIYO 9:17

Yääje yeijäcä tödö’se weichö que öwwä ecammajä’a’jäcä yeeje’jödö eneejai wa yaawä. Yaawääne’ öwö woije’daane mädääje wa, Wanaadi nödööjodö woijeene.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 5:11

Yääje yeijäcä, Cajiichaana Jesuuquidiito tönontämje yeichö ñaa owaanäcä yeijäcä, soto wwäiñe töneecammajä’e ñaa weneene. Töwö Wanaadi dhowaanäcä na ñaa weichö; änwanno mmaja ñaa weichö chö’tamme’jai maato dea.

2 CODINTIYO 5:16

Yääje yeijäcä yäänedö que mma soto aneene’ma’da ñaa weneene. Jenaadä Quidiito yäänedö que mma töneene’ma ñaa cönä’ja’dö’je; yääje’daane eduuwa.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

CAADATA 2:7

Ñanno täneejuca’como cöntö’tammecöicho Wanaadi woije taadawaajui ecammaajäje yeichö judhíojöncomo owaanomaadöcoomo jäcä, Peedhodo wwä ecammaajä naadöje mmaja judhío owaanomaadöcoomo jäcä daja.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

CODOOSENSE 3:22

Änwanno tädhaajäca’como, edä nono de’woncomo adheedhajootoncomo woije eichäcä, töwö ñeenedööje mma’da, soto mma a’cwaimadaawoto töweiye naichöje’daane, chäänönge ätö’tajäätödööcomo yeiyancädääne, Wanaadi ñontancädä.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 1:14

Tädai’chääne edai’chäcä yää äwwä Wanaadi nutuudu; Epíiditu Santo ni’wa’tädö que tödööcä, ñäädä cötaacaiñe naadö.

2 TIIMOTEO 2:2

Yää wannacoomo soto netaadöcoomoje neecammajäätödö metaaquennö que mmaja anejjacoomo chäänönga’como owaanomaacoto, tönwanno mmaja anejjacoomo owaanomaiyetoode yaawä.

TIITO 1:3

Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.