1 TEESADOONISENSE 2:2 - Wanaadi A'deddu

² Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

1 TEESADOONISENSE 2:2 ပူးပေါင်းရင်းမြစ်များ

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 14:5

Yaawä judhíojöncomo mmaja, cajiichaanacoomo jadä cöna’deuwöicho Paudo maminchadööcomo wetä, täju que töwääjätöödöcoomo wetä mmaja.

DOSECHO 16:12

Yäätonno ñaa cöntämä Jidiipo ña, domaanocoomo jataadöcoomo, yää jata täneejucaato jaiñoone Maasedooniya ñano. Yäätä ñaa cönä’jaacä äächädä anooto mma.

DOSECHO 16:19

Yaawä ñäädä wodi edhaamo dhowaanäcäiñe cönä’jaacä ñäädä ajei’choto’jaato ai töjöödataichomo chaana’cajai’cha töweichöcoomo. Yääje yeijäcä tönwanno Paudo cönaajoicho, Siida mmaja; cönaadoicho yaawä acu’shänä wwadäädäiñe, jata jödoodoi’chädö aca.

DOSECHO 16:37

Yaawä Paudo cönä’döaacä waadiya wwäiñe: —Ng’jn, eja’cajai’cha ñaa na. Tönwanno ñaa ecamma’jodö’jo’da mmädä ñaa aiju’jä’neto tameedä soto neneedöcoomoje, domaanoje ñaa weichaame; jedeeso taca ñaa döneeto yaawä. Eduuwa tacaade’da ñaa ja’canö’jo’se naato. Tönwannoone neejö’ña’to ñaa u’ca; quee Paudo cönä’döaacä.

DOSECHO 17:1

Yääje mma yaawä töötädaawäiñe Amjiipodi ñano cömja’dätoicho, Aapodooniya ñano mmaja; cönä’döicho yaawä Teesadoonica ña. Yäätä cönä’jaacä judhío we’jummato’como.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 4:13

Ñanno soto cajiichaanaichomo cöneeta’jöjäätöicho yaawä jäduuje Peedhodo, Juan wa’deuwödööcomo eta’jäcä. Tönwanno dhowaanäcäiñe cönä’jaacä Peedhodo jooje oowanooma’da yei’jocoomo. Yaawä Jesuuquidiito jadoncomo’jödööje yeichöcoomo cöntö’tammecöicho.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

CODOOSENSE 2:1

Odhoowanääcäiñe yei’she wa äjääcäinchädäiñe jooje töweetadaawa’cajo weichö, tameedä Daodiseea ñancomo jäcäinchädä mmaja, tameedä yeenejöncomo jäcäinchädä mmaja.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.